ஆர்யாவின் “மீகாமன்” – கிறிஸ்துமஸுக்கு ரிலீஸ்!

சென்னை: ஆர்யா நடிப்பில் உருவாகியுள்ள மீகாமன் திரைப்படம் வருகின்ற கிறிஸ்துமஸ் தினத்தினை முன்னிட்டு டிசம்பர் 25 ஆம் தேதி வெளியாக உள்ளது.

அருண் விஜய்யின் நடிப்பில் தடையறத் தாக்க படத்தினை இயக்கிய மகிழ் திருமேனிதான் இந்த படத்தையும் இயக்கி உள்ளார். இப்படத்தினை ஹிதேஷ் ஐபக் தயாரித்துள்ளார்.

இப்படத்தில் ஆர்யாவிற்கு ஜோடியாக ஹன்சிகா நடித்துள்ளார். சேட்டை படத்திற்கு பின்னர் இரண்டாவதாக மீண்டும் இப்படத்தில் ஆர்யாவும், ஹன்சிகாவும் ஜோடி சேர்ந்துள்ளனர் என்பது குறிப்பிடத்தக்கது.

"மீகாமன்" என்றால் மாலுமி (Captain of the Ship) என்று பொருள் என்று மகிழ் திருமேனி தெரிவித்துள்ளார்.

"தடையற தாக்க" படத்திற்கு இசையமைத்த தமன் இப்படத்திற்கும் இசையமைத்துள்ளார். சதீஷ் ஒளிப்பதிவு செய்துள்ளார்.

ஆர்யா அசத்துவீங்களாய்யா?