விக்ரம் பிரபு உடன் குத்தாட்டம் போடும் மீனாட்சி

கதாநாயகி வாய்ப்பு

சினிமாவில் வாய்ப்புகள் இல்லாமல் ஒதுங்கி இருந்த மீனாட்சி 2 வருட இடைவெளிக்கு பிறகு வந்து ஹீரோயின் வாய்ப்பு தேடினார். ஹீரோயினாக கமிட்டான படம் வில்லங்கம் இன்னும் தொடங்கவில்லை.

குத்தாட்டம் போடலாமா?

அதுவரைக்கும் ஏன் சும்மா இருக்கவேண்டும் என்று நினைத்தாரோ என்னவோ குத்தாட்டம் போடலாம் என்று முடிவு செய்து விட்டார் மீனாட்சி.

வெள்ளைக்கார துரை

தற்போது எழில் இயக்கி வரும் வெள்ளைக்கார துரை படத்தில் ஒரு பாட்டுக்கு ஆட்டம்போட்டுக் கொண்டிருக்கிறார். விக்ரம் பிரபு நடிக்கும் இந்தப் படத்தின் படப்பிடிப்புகள் இறுதி கட்டத்தை நெருங்கி விட்டது. கிளைமாக்சிற்கு முன்பு வரும் ஒரு குத்துப்பாடலுக்கு மீனாட்சி ஆடுகிறார்.

நம்ம ஊரு பொண்ணு

இதுபற்றி எழில் கூறியிருப்பதாவது: ஒரு பாட்டுக்கு ஆட நம்ம நேட்டிவிட்டி முகம் கொண்ட ஒருவர் தேவைப்பட்டார். மீனாட்சி சரியாக இருக்கும் என்றதால் அவரை அணுகினோம் ஒப்புக் கொண்டு ஆடி வருகிறார் என்றார்.

அக்டோபரில் ரிலீஸ்

ஜில்லா படத்துக்காக போடப்பட்ட ஷெட்டில் சில மாற்றங்களை செய்து இந்த குத்துப்பாடல் படமாக்கப்படுகிறதாம். வருகிற அக்டோபர் மாதம் வெள்ளைக்கார துரையை ரிலீஸ் செய்ய திட்டமிட்டுள்ளார் இயக்குநர் எழில்.