நல்லவேளை ரஜினி தப்புச்சுட்டாரு.. பேட்ட படத்துல திரிஷா கேரக்டர்ல மீரா தான் நடிக்கிறதா இருந்துச்சாம்!

பேட்ட:

இதுபற்றி அவரே ஊடகங்களுக்கு பேட்டி கொடுத்திருக்கிறார். அந்த பேட்டியில் அவர், "ஒரு பெண் நடிக்க வந்துவிட்டாலே அவள் கதாநாயகிதான். எனவே குணச்சித்திர வேடம் பற்றிய பேச்சுக்கே இடமில்லை. முக்கிய கேரக்டர் கதையின் மையக்கருவாக அல்லது கதையின் திருப்பத்திற்கு வழிவகுக்கும் முக்கிய கேரக்டர் என எதுவாக இருந்தாலும் அதில் நான் சிறப்பாக நடிப்பேன்.

ஸ்கிரீன் டெஸ்ட்:

சூப்பர்ஸ்டார் ரஜினியின் ‘பேட்ட' படத்தில் நடிப்பதற்காக ஆடிஷனுக்கு அழைக்கப்பட்டேன். லுக் டெஸ்ட், ஸ்கிரீன் டெஸ்ட் வரை சென்றேன். ஆனால் ஏதோ சில காரணங்களால் அந்த வாய்ப்பு கைகூடாமல் போய்விட்டது. எனக்கு பதில் அந்த கதாபாத்திரத்தில் த்ரிஷா நடித்திருக்கிறார் என்பது சமீபத்தில் தான் தெரியவந்தது.

கடாரம் கொண்டான் :

அதேபோல் கமல் தயாரிப்பில் ராஜேஷ் எம்.செல்வா இயக்கத்தில் விக்ரம் நடிக்கும் ‘கடாரம் கொண்டான்' படத்திலும் ஒரு முக்கிய கேரக்டரில் நடிக்க ஒப்பந்தமாகியிருந்தேன். சில காரணங்களால் கடைசி நேரத்தில் அந்த வாய்ப்பும் விலகிப்போய்விட்டது. விலகிப்போன வாய்ப்புகள் மீண்டும் வேறு வடிவத்தில், வேறு படங்களில் என்னை தேடிவரும்" என அவர் குறிப்பிட்டிருந்தார்.

ரஜினி தப்பிச்சுட்டார்:

அப்போது இந்தப் பேட்டி அவ்வளவாக பரபரப்பை கிளப்பவில்லை. இப்போது பிக் பாஸ் வீட்டில் மீரா செய்யும் பிரச்சினைகளால், அவரது கடந்தகால வாழ்க்கையை நெட்டிசன்கள் தூசி தட்டத் தொடங்கியுள்ளனர். அதில் ஒன்றாகத்தான் இந்தப் பேட்டி இப்போது வைரலாகியிருக்கிறது. நல்லவேளை மீராவை பேட்ட படத்தில் ஒப்பந்தம் செய்யவில்லை. இல்லையென்றால், இப்போது சேரன் மீது பழி சொன்ன மாதிரி, அப்போது ரஜினி மீதும் சொல்லி இருப்பார்' என நெட்டிசன்கள் கூறி வருகின்றனர்.