‘வேதாளம்‘ ரீமேக்கிற்காக கெட்டப்பை மாற்றிய சிரஞ்சீவி..மனுஷன் சும்மா கெத்தா இருக்காரே?

வேதாளம்

அண்ணன் தங்கை பாசத்தை மையமாக வைத்து உருவான வேதாளம் படத்தில் அஜித் முதல் பாதியில் முரட்டுத்தனமான வில்லனாகவும், இரண்டாம் பாதியில் பாசத்திற்காக ஏங்கி உருகும் அண்ணனாகவும் நடித்திருந்தார். இந்த படம் பிளாக் பஸ்டர் ஹிட்டடித்தது. அனிரூத் இசையில் 'ஆலுமா டோலுமா' பாடல் பட்டி தொட்டி எங்கும் ஹிட்டடித்தது. வேதாளம் திரைப்படத்தின் வெற்றியைத் தொடர்ந்து அஜித் மற்றும் சிவா கூட்டணியில் விவேகம், விஸ்வாசம் படம் வெளிவந்தன.

போலா சங்கர்

வேதாளம்படம் வெளியாகி 8 ஆண்டுகள் நிறைவடைந்த நிலையில் வேதாளம் திரைப்படம் தெலுங்கில் போலா சங்கர் என்ற பெயரில் உருவாகி வருகிறது. இந்த படத்தில் அஜித் நடித்த கதாபாத்திரத்தில் மெகா சூப்பர் ஸ்டார் சிரஞ்சீவி நடித்து வருகிறார். அதேபோல, அஜித்தின் தங்கையாக நடித்த லஷ்மி மேனன் ரோலில் கீர்த்தி சுரேஷ் நடித்து வருகிறார். தமன்னா கதாநாயகியாக நடிக்கிறார். மஹதி சங்கர் இசையில் மேஹர் ரமேஷ் இப்படத்தை இயக்கி வருகிறார்.

மிரட்டலான லுக்

இப்படத்தி படப்பிடிப்பு விறுவிறுப்பாக நடைபெற்று வருகிறது. இந்த படத்தில் இரட்டை வேடத்தில் நடித்து வரும் சிரஞ்சீவி ஒரு கேரக்டருக்காக மொட்டை போட்டு உள்ளார். மொட்டை தலையுடன் உள்ள சிரஞ்சீவியின் புதிய கெட்டப் புகைப்படம் சமூக வலைதளங்கள் வைரல் ஆகி வருகிறது. அந்த லுக்கில் சிரஞ்சீவி சும்மா மிரட்டலாக உள்ளார். இந்த படம் வரும் ஏப்ரல் 14ஆம் தேதி வெளியாக உள்ளது.

வால்டர் வீரய்யா

சிரஞ்சீவி நடிப்பில் பொங்களுக்கு வெளியான திரைப்படம் வால்டர் வீரய்யா. இந்த படத்தில் சிரஞ்சீவி அதிரடியாக ஆக்ஷன் காட்சிகளில் நடித்து ரசிகர்களை வாய்பிளக்க வைத்துள்ளார். இந்த படத்தில் சிரஞ்சீவி இளமையாகவே காணப்படுகிறார். இத்திரைப்படத்திற்கு நல்ல விமர்சனம் கிடைத்துள்ளதால், வசூலையும் ஒரு கைப்பார்த்துள்ளது.