நான் தாவுத்தின் காதலியா? மீடியாக்களை விளாசி தள்ளிய பாகிஸ்தான் நடிகை.. என்ன சொன்னார் தெரியுமா?

நிழல் உலக தாதா

1993ம் ஆண்டு மும்பையில் நடந்த குண்டு வெடிப்புக்கு பிறகு மிகப்பெரிய பிரபலத்தை அடைந்தார் தாவூத் இப்ராஹீம். பாலிவுட் முதல் கோலிவுட் வரை தாவூத் இப்ராஹிமின் இன்ஸ்பிரேஷனில் பல டான் படங்கள் ரிலீசானது குறிப்பிடத்தக்கது. மும்பையில் பல பாலிவுட் நடிகர்களுக்கு இவருடன் தொடர்பு இருந்து வந்தது குறிப்பிடத்தக்கது.

பாகிஸ்தானில்

தாவூத் இப்ராஹிமை வேட்டை ஆடும் பணி இந்தியாவில் தொடங்கிய நிலையில், அடைக்கலத்தை தேடி பாகிஸ்தானில் ஒளிந்து கொண்டார் தாவூத் இப்ராஹிம் எனக் கூறி வருகின்றனர். ஆனால், இதுவரை தாவூத் இப்ராஹிம் எந்த இடத்தில் இருக்கிறார் என்பது யாருக்குமே தெரியாது. பாகிஸ்தான் அரசு, தாவூத் எங்க கிட்ட இல்லைங்கோ என வழக்கம் போல வேடிக்கை காட்டி வருகிறது.

நடிகையுடன் தொடர்பு

இந்நிலையில், தற்போது தாவூத் இப்ராஹிமுக்கும் பாகிஸ்தான் நடிகை மெஹ்விஷ் ஹயத்துக்கும் தொடர்பு இருப்பதாக சமீபத்தில் இந்திய மீடியாக்கள் ஆதாரங்களுடன் கிழித்து எடுத்தன. அந்த செய்தி உலகம் முழுவதும் தீயாய் பரவிய நிலையில், மெஹ்விஷ் ஹயத்தின் காதுகளுக்கும் அது எட்டியது.

குப்பை ஜர்னலிசம்

ஆதாரப்பூர்வமற்ற தகவலை திட்டமிட்டே இந்திய மீடியாக்கள் ஏன் பரப்புகின்றன என்பது எனக்குத் தெரியும், அவர்கள் செய்வது ஒரு குப்பை ஜர்னலிசம். இதுக்கெல்லாம் நான் அசரமாட்டேன் என தன் மீது சுமத்தப்பட்ட விமர்சனத்துக்கு பதிலடி கொடுத்து, இந்திய மீடியாக்களையும் சீண்டி விட்டுள்ளார் அந்த பாகிஸ்தான் நடிகை.

டிகாப்ரியோவுடன்

காஷ்மீர் பிரச்சனையை தான் எழுப்பி வருவதால் தான் தன்னை வேண்டுமென்றே முடக்க நினைக்கின்றனர். பாலிவுட் பிரபலங்கள் செய்யும் அட்டகாசங்களையும் நான் பார்த்துக் கொண்டு தான் இருக்கின்றேன். வேண்டுமென்றால், அடுத்த முறை என்னை ஹாலிவுட் நடிகர் லியானார்டோ டிகாப்ரியோ உடன் தொடர்பு படுத்துங்களேன் என நக்கலாக ட்வீட் போட்டுள்ளார்.

ஓவர் நைட் புகழ்

சினிமாவில் ஐட்டம் நம்பராக அறிமுகமாகி சில படங்களிலேயே நடித்துள்ள மெஹ்விஷ் ஹயத்துக்கு, பாகிஸ்தானின் உயரிய விருதான 'Tamga-e-Imtiaz' விருது எப்படி வழங்கப்பட்டது என்ற கேள்வியை முதலில் கேட்டதே பாகிஸ்தான் மீடியாக்களும் பாகிஸ்தானில் உள்ள பிரபல நடிகர்களும் தான். தாவூத் இப்ராஹிம் உடன் தொடர்பு இல்லாமலா ஓவர் நைட்டில் இவருக்கு புகழ் வந்தது என உலகம் முழுவதும் பேச்சுக்களும் அடிபட்டு வருவது குறிப்பிடத்தக்கது.