ஷாருக், ஆமிர்கான் படங்களின் பாக்ஸ் ஆபீஸ் ஓப்பனிங்கை உடைத்த 'மெர்சல்'!

கடல் தாண்டி

இந்தியாவில் மட்டுமல்லாது கடல் தாண்டி பல நாடுகளிலும் ரிலீஸ் ஆகியிருக்கிறது மெர்சல். 3500 தியேட்டர்களுக்கு மேல் பலத்த ஆதரவோடு உலகல் முழுக்க வெளியாகியிருக்கிறது மெர்சல் திரைப்படம். இந்நிலையில் மெர்சல் ப்ரீமியர் நேற்று அமெரிக்காவில் தொடங்க, இப்படம் அங்கு 357K டாலர் வசூல் செய்துள்ளது.

மெர்சல் ஹிட்

தென்னிந்தியாவின் பாக்ஸ் ஆபிஸ் கிங் என 'மெர்சல்' மூலம் இன்னொருமுறை நிரூபித்திருக்கிறார் விஜய். அமெரிக்காவில் செவ்வாய்க்கிழமை வெளியான இந்தப் படம் முதல் நாளில் 357K டாலர் வசூலித்திருக்கிறது. இந்தத் தகவலை அமெரிக்காவில் படத்தை விநியோகித்த அட்மோஸ் நிறுவனம் தெரிவித்திருக்கிறது.

பாக்ஸ் ஆபிஸ் சாதனை

அமெரிக்காவில் 132 இடங்களில் மெர்சல் படம் ரிலீஸ் ஆகியிருக்கிறது. வார நாட்களில் ரிலீஸ் ஆகி இந்த அளவுக்கு வெற்றியைப் பெறுவது பெரிய விஷயம். ஆமிர்கான் நடிப்பில் வெளிவந்த 'டங்கல்' படம் 327K டாலர் வசூல் செய்தது. ஷாருக்கான் நடிப்பில் வெளிவந்த 'ராயிஸ்' படம் 347K டாலர் வசூலித்ததே இதுவரை சாதனையாக இருந்து வந்தது.

வசூல் அள்ளும்

'மெர்சல்' படம் ஓரளவுக்கு பாசிட்டிவ் விமர்சனங்களையே பெற்று வருகிறது. ரசிகர்களின் எதிர்பார்ப்புக்கு ஏற்ற விதத்தில் படத்தை எடுத்திருக்கிறார் அட்லீ. விஜய்யின் மாஸான ஸ்க்ரீன் ப்ரெசென்ஸால், உலகம் முழுக்க, வசூலை அள்ளுவது நிச்சயம்.