இந்த ஏரியாவில் இன்னும் மெர்சல் ரிலீஸாகவில்லை..- என்ன பிரச்னை?

அதிரிந்தி

விஜய், நித்யா மேனன், சமந்தா, காஜல் அகர்வால் மற்றும் பலர் நடித்து நேற்று தமிழில் வெளிவந்த 'மெர்சல்' படம் இன்று தெலுங்கில் வெளியாவதாக இருந்தது. 'அதிரிந்தி' எனப் பெயரிடப்பட்ட இந்தப் படம் தெலுங்கிலும் நல்ல விலைக்கு விற்கப்பட்டது குறிப்பிடத்தக்கது.

சென்சார் பிரச்னை

கடைசி நேர சென்சார் பிரச்னையால் தமிழ்ப்படமே நேற்று குறிப்பிட்டபடி வெளிவருமோ வராதோ என்ற சூழ்நிலையே செவ்வாய்க்கிழமை வரை நீடித்தது. அதனால், தமிழ் 'மெர்சல்' பிரச்னையை மட்டும் அவசரமாகத் தீர்த்து முடித்தார்கள். தெலுங்கிலும் அதே சென்சார் பிரச்னை இருந்ததால் தமிழில் நீக்கப்பட்ட சில காட்சிகளை தெலுங்கில் நீக்குவதற்கு கால தாமதம் ஏற்பட்டுள்ளது.

வெளியாகவில்லை

அதனால், படம் திட்டமிட்டபடி இன்று ஆந்திரா, தெலுங்கானாவில் வெளியாகவில்லை. அங்கு அடுத்த வாரம்தான் வெளியாகும் எனத் தெரிகிறது. இருந்தாலும் அது பற்றி இன்னும் அதிகாரப்பூர்வமாக எந்த அறிவிப்பும் வெளியாகவில்லை.

கர்நாடகாவில் காட்சிகள் நிறுத்தம்

தமிழ்நாடு, கேரளா ஆகிய மாநிலங்களில் மட்டுமே தற்போது 'மெர்சல்' வெளியாகி ஓடிக் கொண்டிருக்கிறது. கர்நாடகாவில் நேற்று கன்னட அமைப்பினர் பிரச்னை செய்ததால் விஜய் ரசிகர்களுக்கும் அவர்களுக்கும் மோதல் ஏற்பட்டு 'மெர்சல்' காட்சிகள் நிறுத்தப்பட்டுள்ளன.

வசூல் பாதிப்பு

ஆந்திரா, தெலுங்கானாவில் இன்று வெளியாகாததால் முதல் சில நாட்களுக்கு 'மெர்சல்' படத்தின் மொத்த வசூலில் பாதிப்பு ஏற்பட வாய்ப்புள்ளது. பிர்ச்னைகள் தீர்ந்து எப்போது படம் வெளியாகும் என அறிய தெலுங்கு விஜய் ரசிகர்கள் காத்திருக்கிறார்கள்.