மீண்டும் பரவிய கொரோனா வைரஸ்.. அதிரடியாக நிறுத்தப்பட்ட டாம் க்ரூஸின் மிஷன் இம்பாசிபிள் படப்பிடிப்பு!

கோபத்தில் டாம் க்ரூஸ்

அதனை தொடர்ந்து பல மாதங்கள் படப்பிடிப்பு நிறுத்தப்பட்டது. கடந்த டிசம்பர் மாதம் மீண்டும் படப்பிடிப்பு தொடங்கிய போது, நடிகர் டாம் க்ரூஸ் ஆவேசமாக கொரோனா விதிகளை மீறுவோர் மீது கடும் நடவடிக்கை எடுக்கப்படும் என பேசிய ஆடியோ ஒன்று லீக்காகி வைரலானது.

மீண்டும் கொரோனா

இந்நிலையில், மீண்டும் சிலருக்கு கொரோனா பரவி உள்ளதாக பாராமவுண்ட் பிக்சர்ஸ் தெரிவித்துள்ளது. அனைத்து பாதுகாப்பு விதிமுறைகளையும் கடைபிடித்தே படப்பிடிப்பை நடத்தியதாகவும் தெரிவித்துள்ளனர்.

ஆனால், யாருக்கு என்றும் எத்தனை பேருக்கு என்றும் எந்தவொரு தகவலையும் வெளியிடவில்லை.

காலதாமதம்

டாம் க்ரூஸ் நடிப்பில் உருவாகி வரும் மிஷம் இம்பாசிபிள் 7 படம் அடுத்த ஆண்டு ரிலீசாகும் என அறிவிக்கப்பட்டுள்ளது. ஆனால், தொடர்ந்து இதே போன்று கொரோனா பாதிப்பு காரணமாக படப்பிடிப்பு நடத்த முடியாமல் போனால், திட்டமிட்டபடி ரிலீஸ் செய்வதில் சிக்கல் ஏற்படும் என தகவல்கள் வெளியாகி உள்ளன.

டாம் க்ரூஸ் அப்செட்

பல கோடி ரூபாய்களை கொட்டி பிரம்மாண்டமாக எடுத்து வரும் பல ஹாலிவுட் படங்களின் படப்பிடிப்புகள் இதே போல கொரோனா பரவல் காரணமாக் நிறுத்தி வைக்கப்பட்டுள்ளன. மேலும், எடுத்து முடித்த படங்களும் உலகம் முழுவதிலும் ரிலீஸ் செய்ய முடியாமல் காத்திருக்கின்றன. இந்நிலையில், மீண்டும் மிஷம் இம்பாசிபிள் குழுவினருக்கு கொரோனா பரவிய தகவலை அறிந்த டாம் க்ரூஸ் கடும் அப்செட்டில் உள்ளாராம்.