Click it and Unblock the Notifications
பாலச்சந்தர் மகன் கைலாசம் உடலுக்கு மு.க. ஸ்டாலின், கமல், லதா ரஜினி அஞ்சலி!
சென்னை: மூத்த இயக்குநர் கே பாலச்சந்தர் மகன் கைலாசம் உடலுக்கு திமுக பொருளாளர் முக ஸ்டாலின் அஞ்சலி செலுத்தினார். மகனை இழந்து வாடும் பாலச்சந்தருக்கு அவர் ஆறுதல் கூறினார்.
இயக்குநர் கே.பாலசந்தரின் மூத்த மகன் கைலாசம். சென்னையில் நேற்று மரணம் அடைந்தார். அவருக்கு வயது 53.
கைலாசத்துக்கு சில தினங்களுக்கு முன்பு உடல் நலக்குறைவு ஏற்பட்டது. உடனடியாக சென்னையில் உள்ள தனியார் ஆஸ்பத்திரியில் சேர்த்தனர். அவருக்கு நுரையீரலில் பாதிப்பு ஏற்பட்டு இருந்ததை டாக்டர்கள் கண்டு பிடித்தனர். சிறுநீரகப் பிரச்சினையும் இருந்தது.
கைலாசத்துக்கு டாக்டர்கள் தீவிர சிகிச்சை அளித்தனர். ஆனாலும் சிகிச்சை பலன் இன்றி அவர் மரணம் அடைந்தார்.
முக ஸ்டாலின்
கைலாஷ் உடலுக்கு தி.மு.க. பொருளாளர் மு.க.ஸ்டாலின், நடிகர் கமல், நடிகைகள் கவுதமி, குஷ்பு, பிரமிடு நடராஜன், கவிஞர் வைரமுத்து உள்ளிட்ட பலர் நேரில் அஞ்சலி செலுத்தினார்கள்.
ரஜினி சார்பில்..
ரஜினி, லிங்கா படத்துக்காக ஷிமோகாவில் இருப்பதால் வரமுடியவில்லை. அவர் நேற்று இரவு பாலச்சந்தரை தொலைபேசியில் தொடர்பு கொண்டு இரங்கல் தெரிவித்தார். அவர் சார்பில் அவரது மனைவி லதா ரஜினி, பாலச்சந்தர் இல்லத்துக்குச் சென்று கைலாசம் உடலுக்கு மலர்மாலை வைத்து அஞ்சலி செலுத்தினார்.
Continue with Google