பெரிய குடும்பத்தில் ஏற்பட்ட கைகலப்பு.. அண்ணன் தம்பிக்கு இடையே நடந்த சண்டை.. வேதனையில் மோகன்பாபு!

71 வயசு ஆகுது

ரஜினிகாந்த் உடன் இணைந்து 1995ம் ஆண்டு பெட்டாராயுடு படத்தில் நடித்த மோகன் பாபு ஏகப்பட்ட ஹிட் படங்களில் டோலிவுட்டில் நடித்து அசத்தி உள்ளார். 71 வயதாகும் மோகன் பாபு திருப்பதிக்கு சென்றிருந்த நேரத்தில் அவரது மகன்கள் இருவரும் அடித்துக் கொண்டது பெரும் பரபரப்பை கிளப்பி உள்ளது.

2ம் திருமணத்தால் வந்த சர்ச்சை

சமீபத்தில் குடும்பத்தினர் சம்மதம் இல்லாமல் நடிகர் மனோஜ் மஞ்சு, பூமா மவுனிகா என்பவரை 2வதாக திருமணம் செய்து கொண்டார். அது அவரது சகோதரர் விஷ்ணு மஞ்சுவுக்கு சுத்தமாக பிடிக்கவில்லை. திருமணத்திலேயே மூன்றாம் நபர் போல கடைசி வரிசையில் பெயருக்காக கலந்து கொண்டதே பெரும் பரபரப்பை கிளப்பியது.

கைகலப்பு

இந்நிலையில், சமீபத்தில் மனோஜ் மஞ்சு வீட்டுக்கு விஷ்ணு மஞ்சு வந்திருக்கிறார். அப்போது பூமா மவுனிகாவின் உறவினர் அங்கே இருந்த நிலையில், இருவருக்கும் இடையே வாக்குவாதம் ஏற்பட்ட நிலையில், பூமா மவுனிகாவின் உறவினரை போட்டு விஷ்ணு மஞ்சு வெளுத்து வாங்கி இருக்கிறார். அதனை வீடியோவாக எடுத்துப் போட்டு மனோஜ் மஞ்சு பாருங்க எங்க வீட்டுக்கு வந்த விருந்தாளியை எப்படி அடிக்கிறார் என மனோஜ் மஞ்சு சோஷியல் மீடியாவில் ஷேர் செய்துள்ளார்.

அண்ணன் தம்பி இடையே மோதல்

மனைவியின் உறவினரை விஷ்ணு மஞ்சு தாக்கிய நிலையில், மனோஜ் மஞ்சுவுக்கும் விஷ்ணு மஞ்சுவுக்கும் இடையே கைகலப்பு ஏற்பட்டு இருக்கிறது. இந்த சண்டையை சகோதரியான லக்‌ஷ்மி மஞ்சு தலையிட்டு சமரசம் செய்து இருப்பதாக கூறுகின்றனர். மேலும், மனோஜ் மஞ்சு ஷேர் செய்த அந்த வீடியோவையும் டெலிட் செய்துள்ளார். இது தொடர்பாக ரசிகர்கள் கேள்வி எழுப்பி வரும் நிலையில், வாழு.. வாழ விடு என பதில் அளித்திருக்கிறார் மனோஜ் மஞ்சு.