முகப்பு

செய்திகள்

மலையாளத் திரையுலகையே கலக்கியிருக்கிறது ஒரு படத்தின் வெற்றி. அது மோகன் லால் நடித்த த்ரிஷ்யம்.

தொடர்ந்து சுமாரான படங்களை மட்டுமே கொடுத்த மோகன் லாலுக்கு இந்தப் படம் மிகப் பெரிய வெற்றிப் படமாக அமைந்துள்ளது.

இந்தப் படத்தின் வசூல் மூலம் மோகன் லாலின் கேரியரே அடுத்த கட்டத்துக்கு தாவிவிட்டதாக பாகத்ஸ் ஆபீஸ் புள்ளிகள் பேசிக் கொள்கிறார்கள்.

த்ரிஷ்யம் ஒரு குடும்ப த்ரில்லர். கேபிள் ஆபரேட்டராக வேலைசெய்யும் மோகன்லாலி மனைவி மீனா. இரண்டு மகள்கள்.

மிக நேர்மையான மனிதராக திகழும் மோகன்லால், யாருக்கு என்ன பிரச்சினை என்றாலும் தீர்வு சொல்லிவிடுவார்.

ஆனால் தீவிர சினிமா மோகம் கொண்டவர். ஆனால் இந்த சினிமா மோகமே அவரது குடும்ப சிக்கலை எப்படித் தீர்க்கிறது என்பதுதான் சுவாரஸ்ய முடிச்சுகள் கொண்ட பின்பாதி.

இந்தப் படத்தை இயக்கியிருப்பவர் ஜீத்து ஜோசப்.

சமீபத்தில் சென்னையில் இந்தப் படத்தைத் திரையிட்டபோது, தமிழ் சினிமாவின் பெரும்பாலான முக்கிய கலைஞர்கள் வந்து பார்த்து பிரமித்து வாழ்த்தினர்.