Don't Miss!
- News தமிழகத்தில் 39 தொகுதிகளிலும் வேட்புமனுதாக்கல் நிறைவு.. 1,749 மனுக்கள் மீது இன்று பரிசீலனை
- Finance என்னது பாம்பு விஷம் மருந்தா..? சீனாவில் விநோத பார்மா துறை உருவானது எப்படி..?
- Sports SRH vs MI : கேப்டனாக ஹர்திக் பாண்டிய சறுக்கியது இங்கே தான்.. ரோகித் சர்மா அருமை இப்போ புரியுதா!
- Automobiles எந்தவொரு பந்தாவும் இல்ல... பிரபல சீரியல் நடிகையின் புதிய கார்!! சிம்பிளா வந்து டெலிவிரி எடுத்துனு போய்ட்டாரு!
- Technology ஒன்னு ரூ.6,000.. இன்னொன்னு ரூ.7,000.. பட்ஜெட் வாசிகள் காட்டுல மழை.. ரெண்டையுமே கண்ண மூடிக்கிட்டு வாங்கலாம்!
- Lifestyle 2 கப் கோதுமை மாவு இருந்தா போதும்.. பஞ்சு போல இட்லி சுடலாம்.. எப்படின்னு பாருங்க..
- Education ஜேஇஇ பிரதானத் தேர்வெழுதும் அரசு பள்ளி மாணவர்களுக்கு சிறப்புப் பயிற்சி
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
மோகன்லால் ரசிகர்களுக்கு ஓணம் வந்தாச்சு... இட்டிமணி மேட் இன் சீனா செம கலக்கல்
சென்னை: மிக நீண்ட இடைவெளிக்கு பின்பு நடிகர் மோகன் லால் காமெடியில் கலக்கி இருக்கும் இட்டிமணி மேட் இன் சீனா படம் நேற்று வெளியானது. இப்படத்தில் 35 ஆண்டுகளுக்கு பிறகு நடிகை ராதிகா சரத்குமாரும் இணைந்து ரசிகர்களுக்கு ஓணம் பண்டிகைக்கு பரிசு கொடுத்துள்ளனர்.
1985ஆம் ஆண்டில் கூடும் தேடி எனும் மலையாளப் படத்தில் ஜோடி சேர்ந்து நடித்த மோகன்லால், ராதிகா சரத்குமார் 35 வருடங்களுக்கு பிறகு ஓணம் ஸ்பெஷல் திரைப்படமான இட்டிமணி மேட் இன் சீனா படம் மூலம் மீண்டும் இணைகிறார்கள். இப்படம் கேரளா முழுவதும் வெளியாகி செம போடு போட்டு வருகிறது.
கேரளாவின் மிகவும் முக்கியமான பண்டிகை ஓணம் பண்டிகை. இந்த ஆண்டு ஓணம் பண்டிகை செப்டம்பர் 11ஆம் தேதி கொண்டாடப்பட இருக்கிறது. அந்த நாளன்று மக்கள் மிகுந்த கொண்டாட்டத்தோடு பண்டிகையை கொண்டாடுவர். கொண்டாட்டத்தின் ஒரு பகுதி ஓணம் ஸ்பெஷல் திரைப்படங்கள்.
இனி தர்ஷன் வாழ்க்கையில் நான் இல்லை.. என்னால் அவருக்கு கெட்டப்பெயர் வரக்கூடாது.. காதலி கண்ணீர்!
மோகன்லாலின் குறும்பு, குறுகுறுப்பு, உதட்டில் இழையோடும் மெல்லிய நகைச்சுவையை வெளிப்படுத்தும் அசால்ட்டான முகபாவனை இவற்றைத் தான் அவருடைய ரசிகர்கள் பெரிதும் விரும்புகின்றனர். ஆனால் சமீப காலமாக அவர் நடிக்கும் படங்களில் இவற்றை காண முடியாமல் அவருடைய ரசிகர்கள் வருத்தத்தில் இருந்து வருகின்றனர்.
அதிலும் குறிப்பாக அவருடைய விண்டேஜ் நடிப்பை காண முடியவில்லையே என்று ஏங்கித் தவித்தனர். இதனை உணர்ந்து கொண்ட மோகன்லாலும் தன்னுடைய ரசிகர்களையும் மக்களையும் குஷிப்படுத்துவதற்காக முழு நீள நகைச்சுவை படம் ஒன்றை வெளியிட்டு இருக்கிறார்.
ஆன்டனி பெரும்பாவூர் தயாரிப்பில் ஜிபி-ஜோஜு இயக்கியுள்ள இட்டிமணி மேட் இன் சைனா படத்தில் மோகன்லால், ராதிகா சரத்குமார், ஹனி ரோஸ், அஜூ வர்கீஸ் போன்றவர்கள் முக்கிய கதாபாத்திரத்தில் நடித்துள்ளனர். இப்படத்தின் படப்பிடிப்பு முக்கியமாக கேரளாவிலும் சில காட்சிகள் சீனாவிலும் நடைபெற்றுள்ளது.
இப்படத்தில் மோகன்லால் உடன் ராதிகாவும் சேர்ந்து கொண்டு காமெடியில் கலக்கி இருக்கிறார்கள். இதனால் இவர்கள் இருவரின் நகைச்சுவை காட்சிகள் ரசிக்கும் படியாகவே இருக்கும். அதோடு மோகன்லால் இப்படத்தில் சைனிஷ் பாஷை பேசி கலக்கியிருப்பார். மொத்தத்தில் பழைய மோகன்லாலை இந்தப் படத்தல் பார்க்கலாம் என்று அவருடைய ரசிகர்கள் காத்திருக்கின்றனர். இந்த காமெடி திரைப்படம் செப்டம்பர் 6ஆம் தேதி திரையரங்குகளில் வெளியாகியுள்ளது.
நகைச்சுவை திரைப்படம் என்பதால் மக்கள் மத்தியில் நல்ல வரவேற்பு கிடைத்துள்ளது. படத்தினை பார்த்த ரசிகர்கள் கூட்டமும் படத்தை மிகவும் மகிழ்ச்சியோடு கண்டு ரசித்ததாக தெரிவித்துள்ளனர். மோகன்லாலுக்கு இப்படமும் ஒரு வெற்றி படமாக அமையும் என்ற எதிர்பார்ப்பு இருக்கிறது.