ஒவ்வொரு இந்தியனும் பெருமைப் பட வேண்டிய தருணம்.. லாரியஸ் விருது.. சச்சினுக்கு மோகன் லால் வாழ்த்து!

இந்தியர்கள் பெருமை படும் தருணம்

மலையாள திரையுலகின் சூப்பர் ஸ்டார் நடிகரான மோகன் லால், லாரியஸ் விருதினை வென்ற சச்சின் டெண்டுல்கருக்கு தனது ட்விட்டர் பக்கத்தில், "ஒவ்வொரு இந்தியனும் பெருமைப் பட வேண்டிய தருணம், இந்த விருதுக்கு தாங்கள் சரியான தேர்வு என சச்சின் டெண்டுல்கருக்கு தனது வாழ்த்துக்களை தெரிவித்துள்ளார்.

இதுக்குத்தான் அந்த விருது

கடந்த 2000ம் ஆண்டு முதல் 2020ம் ஆண்டு வரை விளையாட்டுத் துறையின் சிறந்த தருணம் எது? என்ற போட்டியில், 2011ம் ஆண்டு இந்தியா உலகக் கோப்பையை வென்றதும், இந்திய வீரர்கள், கிரிக்கெட் ஜாம்பவான் சச்சின் டெண்டுல்கரை, தங்கள் தோள்களில் அமர வைத்து தூக்கிச் சென்ற தருணம் தான் சிறந்தது என ரசிகர்கள் வாக்களித்து, சச்சினுக்கு இந்த விருதை பெற்றுத் தந்துள்ளனர்.

செம ஸ்பீச்

விளையாட்டு உலகின் ஆஸ்கர் என அழைக்கப்படும் லாரியஸ் விருது விழாவில், முன்னாள் ஆஸ்திரேலிய கேப்டன் ஸ்டீவ் வா கைகளால் சச்சின் இந்த விருதை பெற்றார். விருதை பெற்ற சச்சின் டெண்டுல்கர், உலக கோப்பை வென்ற அந்த நெகிழ்ச்சியான தருணம் குறித்தும், விளையாட்டு தான் உலகை இணைக்கும் எனும் மண்டேலாவின் கருத்தையும் மேடையில் பேசினார்.

அடுத்த படத்துக்கு வெயிட்டிங்

லாரியஸ் விருது வென்ற சச்சின் டெண்டுல்கருக்கு மோகன் லால் வாழ்த்து கூறியுள்ள நிலையில், அவரது ரசிகர்களும், மாஸ்டர் பிளாஸ்டருக்கு தங்கள் வாழ்த்துக்களை தெரிவித்து வருகின்றனர். மேலும், மோகன் லால் ட்வீட் வந்த நிலையில், இது தான் சாக்கு என, அவர் நடிப்பில் விரைவில் வெளியாகவுள்ள மரக்கார் அரபிக்கடலின்டே சிம்ஹம் படத்துக்கு வெயிட்டிங் எனவும் கமெண்ட் செய்து வருகின்றனர்.