அந்த ஒரு கிக் ஷாட் போதும்.. யாரு மாஸுன்னு சொல்ல.. சிரஞ்சீவியை ட்ரோல் செய்யும் மோகன்லால் ரசிகர்கள்!

காட்ஃபாதர் டிரைலர் ரிலீஸ்

இயக்குநர் மோகன் ராஜா இயக்கத்தில் சிரஞ்சீவி, சல்மான் கான், நயன்தாரா என மிகப்பெரிய நட்சத்திர பட்டாளமே நடித்துள்ள காட்ஃபாதர் படத்தின் டிரைலர் வெளியானது. மலையாளத்தில் மோகன்லால், மஞ்சு வாரியர், பிரித்விராஜ், விவேக் ஓபராய் மற்றும் டொவினோ தாமஸ் நடித்த லூசிஃபர் படத்தின் அதிகாரப்பூர்வ ரீமேக் தான் இந்த படம் என்பது குறிப்பிடத்தக்கது.

ரீமேக் ஆகும் மோகன்லால் படங்கள்

மலையாளத்தின் முன்னணி நடிகரான மோகன்லால் நடிக்கும் படங்கள் இந்தியளவில் பல்வேறு மொழிகளில் ரீமேக் ஆகி வருகிறது. மோகன்லாலின் த்ரிஷ்யம் படத்தை தெலுங்கு மற்றும் இந்தியில் அதே பெயரில் ரீமேக் செய்தனர். தமிழில் பாபநாசம் எனும் டைட்டிலில் கமல் ரீமேக் செய்து நடித்திருந்தார். ஆனாலும், ஒரிஜினல் தான் சூப்பர் என ரசிகர்கள் கொண்டாடிய நிலையில், தற்போது லூசிஃபர் படத்தின் ரீமேக்கான காட்ஃபாதர் படத்திற்கும் அதே போன்றதொரு பிரச்சனை சோஷியல் மீடியாவில் டிரெண்டாகி வருகிறது.

லாலேட்டன் தான் மாஸ்

காட்ஃபாதர் படத்தில் சிரஞ்சிவியின் காட்சிகளையும் லூசிஃபர் படத்தில் லாலேட்டன் காட்சிகளையும் கம்பேர் செய்து மோகன்லால் தான் மாஸ் என தென்னிந்திய ரசிகர்கள் கமெண்ட் போட்டு சிரஞ்சீவியை ட்ரோல் செய்து வருகின்றனர். மோகன் ராஜா இயக்கிய நிலையிலும், டிரைலரில் ஒரு ஃபயர் இல்லையே என நெட்டிசன்கள் விமர்சித்து வருகின்றனர்.

அதிக பட்ஜெட் இருந்தும்

30 கோடி பட்ஜெட்டில் உருவான லூசிஃபர் படத்தின் பாம்ப் பிளாஸ்ட் காட்சியையும் 100 கோடிக்கு மேல் அதிக பொருட்செலவில் உருவான காட்ஃபாதர் படத்தின் பாம்ப் பிளாஸ்ட் காட்சியையும் போட்டு எது நல்லா இருக்கு என கேள்வி எழுப்பி வருகின்றனர். சிஜி ரொம்பவே மோசம் என ட்ரோல்கள் குவிகின்றன.

அந்த ஒரு கிக்

லூசிஃபர் படத்தில் ஜான் விஜய் போலீஸாக நடித்திருப்பார். அவருக்கு நெஞ்சில் மோகன்லால் கிக் வைக்கும் காட்சியையும், காட்ஃபாதர் படத்தில் போலீசாக நடித்துள்ள சமுத்திரகனியை பெஞ்சில் உட்கார வைத்து சிரஞ்சீவி உதைக்கும் காட்சியையும் போட்டு யாரு மாஸுன்னு இந்த ஒரு சீனை பார்த்தாலே தெரிஞ்சிக்கலாம் என ஏகப்பட்ட ரசிகர்கள் கமெண்ட் போட்டு வருகின்றனர்.

ரீ ப்ளேஸ்

மோகன்லாலுக்கு நிகர் மோகன்லால் தான் என்றும் அவரது ஸ்க்ரின் பிரெசன்ஸ் எந்தவொரு நடிகருக்கும் வராது என்றும் அவர் படத்தில் யார் வேண்டுமானாலும் நடிக்கலாம். ஆனால், அவரை ரீ ப்ளேஸ் பண்ண முடியாது என்றும் மோகன்லால் ரசிகர்கள் கமெண்ட் போட்டு வருகின்றனர்.