கமலை அடுத்து மோகன்லாலை வளைத்துப் போட்ட பிக் பாஸ்

மலையாளம்

தமிழ், தெலுங்கு நிகழ்ச்சியை பார்த்த கேரள மக்கள் மலையாளத்தில் மட்டும் பிக் பாஸ் நிகழ்ச்சி இல்லையே என்று ஃபீல் செய்தார்கள். இந்நிலையில் இந்த ஆண்டு மலையாளத்தில் பிக் பாஸ் நிகழ்ச்சி அறிமுகம் செய்து வைக்கப்படுகிறது.

மோகன்லால்

மலையாளம் பிக் பாஸ் நிகழ்ச்சியை தொகுத்து வழங்க மோகன்லால், மம்மூட்டி, சுரேஷ் கோபி ஆகியோரின் பெயர்கள் பரிசீலனை செய்யப்பட்டது. இறுதியில் மோகன்லாலை தேர்வு செய்துள்ளார்களாம்.

தமிழ்

ஜூன் மாதம் மலையாள பிக் பாஸ் நிகழ்ச்சி துவங்குமாம். தமிழ் பிக் பாஸ் நிகழ்ச்சியின் இரண்டாவது சீசனும் ஜூன் மாதம் தான் துவங்குகிறது. முதல் சீசனை போன்றே இரண்டாவது சீசனையும் கமல் ஹாஸனே தொகுத்து வழங்குகிறார்.

போட்டியாளர்கள்

மலையாள பிக் பாஸ் நிகழ்ச்சி கொச்சியில் நடக்கும் என்று கூறப்படுகிறது. பிற மொழிகளை போன்றே மலையாளத்திலும் 15 போட்டியாளர்கள் கலந்து கொள்வார்கள். அவர் சினிமா மற்றும் சின்னத்திரையை சேர்ந்தவர்களாக இருப்பார்கள் என்று தெரிவிக்கப்பட்டுள்ளது.

நானி

தெலுங்கு பிக் பாஸ் நிகழ்ச்சியை கடந்த ஆண்டு ஜூனியர் என்.டி.ஆர். தொகுத்து வழங்கினார். தற்போது அவர் படங்களில் பிசியாக இருப்பதால் நிகழ்ச்சியை தொகுத்து வழங்க மறுத்துவிட்டாராம். இதையடுத்து நடிகர் நானி பிக் பாஸ் நிகழ்ச்சியை தொகுத்து வழங்க உள்ளார் என்று கூறப்படுகிறது.