எடை குறைத்து ஸ்லிம்மான மோகன்லால்... வைரலாகும் 'ஒடியன்' லுக்!

பிளாக் மேஜிசியன்

கடந்த மூன்று வருடங்களுக்கு முன் வெளியான 'கூதரா' படத்திற்குப்பின் மிகவும் வித்தியாசமான தோற்றங்களில் மோகன்லால் நடித்து வரும் படம் தான் 'ஒடியன்'. இதில் இளமை மற்றும் வயதான தோற்றங்களில் ஒடியன் மாணிக்கன் என்கிற பிளாக் மேஜிசியனாக நடித்து வருகிறார் மோகன்லால்.

ஒடியன் டீசர்

மிகப்பெரிய ஆக்ஷன் படமாக உருவாக்கி வரும் இந்தப்படத்தை விளம்பரப்பட இயக்குனரான ஸ்ரீகுமார் மேனன் என்பவர் இயக்கி வருகிறார். இந்தப்படத்தின் அதிகாரப்பூர்வ டீசர் நேற்று முன்தினம் வெளியிடப்பட்டது.

இளமையாக மோகன்லால்

நேற்று முன்தினம் இந்தப் படத்தின் டீசர் வெளியான நிலையில், இந்தப்படத்தில் இடம்பெறும் மோகன்லாலின் இளம் வயது தோற்றம் வெளியாகியுள்ளது. இந்தப்படத்திற்காக சுமார் 18 கிலோ வரை எடை குறைத்து ஸ்லிம் ஆகியுள்ளார் மோகன்லால்.

சண்டைக் காட்சிகள் சிறப்பு

'ஒடியன்' படத்தில் புலி முருகன் படத்தை விட ஆக்‌ஷன் காட்சிகளில் அதகளப்படுத்துகிறார்களாம். இப்படத்திற்காக 50 நாட்கள் கால்ஷீட் கொடுத்திருக்கிறாராம் ஸ்டன்ட் மாஸ்டர் பீட்டர் ஹெய்ன். இந்தப் படத்தின் ஷூட்டிங் காசி, பனாராஸ் ஆகிய பகுதியில் நடைபெற்றுள்ளது.