கேரளாவில் ஜில்லாவை பிரமாண்டமாக ரிலீஸ் செய்யும் மோகன்லால்

சென்னை: ஜில்லா படத்தின் கேரள வினியோக உரிமையை வாங்கியுள்ள மோகன்லால் படத்தை 300 தியேட்டர்களில் வெளியிடுகிறாராம்.

ஆர்.பி.சௌத்ரி தயாரிப்பில் நேசன் இயக்கத்தில் விஜய், மோகன்லால் அப்பா மகனாக நடித்துள்ள படம் ஜில்லா. படத்தில் நடித்ததற்கு சம்பளத்திற்கு பதிலாக மோகன்லால் ஜில்லாவின் கேரள வினியோக உரிமையை வாங்கிக் கொண்டார்.

விஜய்க்கு தமிழகம் தவிர்த்து கேரளாவிலும் ஏராளமான ரசிகர்கள் உள்ளனர். அதனால் ஜில்லாவை கேரளாவில் ரிலீஸ் செய்தால் லாபம் பார்த்துவிடலாம் என்ற நம்பிக்கையில் தான் மோகன்லால் அதன் வினியோக உரிமையை வாங்கி இருக்க வேண்டும்.

இந்நிலையில் மோகன்லால் தான் தாதாவாக நடித்துள்ள ஜில்லா படத்தை கேரளாவில் 300 தியேட்டர்களில் ரிலீஸ் செய்கிறாராம். பொங்கல் அன்று ஜில்லா மட்டுமில்லை அஜீத்தின் வீரம் படமும் ரிலீஸாகிறது என்பது குறிப்பிடத்தக்கது.