முகப்பு

செய்திகள்

ராஜா ராணி படம் சிறப்பாக வந்திருப்பதாகக் கூறி, படத்தின் இயக்குநர் அட்லீயைப் பாராட்டியுள்ளார் படத்தின் தயாரிப்பாளர்களுள் ஒருவரான இயக்குநர் ஏஆர் முருகதாஸ்.

பாக்ஸ் ஸ்டார் நிறுவனத்துடன் இயக்குனர் முருகதாஸ் இணைந்து தயாரிக்கும் 'ராஜா ராணி ' திரைப்படத்தின் ட்ரைலரை சமீபத்தில் பார்த்தார் இயக்குநர் முருகதாஸ்.

'நான் படத்தின் வெள்ளோட்டம் வெளியிடப்படும் நாளுக்காக காத்துக் கொண்டிருக்கிறேன். நான் பல முறைப் பார்த்து விட்டாலும் ரசிகர்களின் அபிப்ராயத்தை அறிந்துக் கொள்ள மிகவும் ஆவலுடன் இருக்கிறேன். சொன்ன கதையை அப்படியே படமாக்குவதும், அதை முறையாக ரசிகர்களைக் குழப்பாமல் ட்ரைலர் உருவாக்குவதும் ஒரு நல்ல இயக்குனரின் அடையாளம்.

அந்த முறையில் அட்லீயின் திறமை தெளிவாக தெரிகிறது. இவரை அறிமுகபடுதுவதிலும் இந்த படத்தை தயாரிப்பதிலும் எனக்கு ரொம்ப பெருமை," என்றார் முருகதாஸ்.

ராஜா ராணி திரைப்படத்தின் ட்ரைலர் வெளியீட்டு விழா வருகிற 18ஆம் தேதி நடக்கிறது. செப்டம்பர் இறுதியில் படத்தை வெளியிடத் திட்டமிட்டுள்ளனர்.