சீன செயலிகளை புறக்கணிப்போம்.. இசையமைப்பாளர் ஜிப்ரானின் அதிரடி முடிவு.. டிக்டாக், ஹலோவுக்கு வேட்டு!

புறக்கணியுங்க

இந்தியா - சீனா இடையே வலுத்து வரும் எல்லை பிரச்சனைக்கு இந்தியர்கள் நினைத்தால் தீர்வு காண முடியும் என்றும், பொருளாதார ரீதியாக சீனாவுக்கு பாதிப்பை விளைவிக்க, நாடு முழுவதும் சீன பொருட்களையும், சீனா செயலிகளான டிக்டாக், ஹலோ, ஷேர் சாட், பப்ஜி உள்ளிட்ட ஆப்களை புறக்கணியுங்கள் என்ற கோஷங்கள் எழுந்து வருகின்றன.

சோனம் வாங்குடு

3 இடியட்ஸ் படத்திற்கு இன்ஸ்பிரேஷனாக இருந்த சோனம் வாங்குடுவும் அண்மையில், நாள் தோறும் நம்மிடம் இருந்து செயலிகள் மூலம் சீன நிறுவனங்கள் சம்பாதித்து வருவது பற்றியும், பொருளாதார ரீதியாக சீனாவுக்கு பலத்த அடி கொடுக்க, டிக்டாக் உள்ளிட்ட செயலிகளை ஒட்டுமொத்த இந்தியர்களும் புறக்கணிக்க வேண்டும் எனக் கூறியிருந்தார்.

நான் செஞ்சிட்டேன்.. நீங்க

பல பிரபலங்களும் டிக்டாக் செயலியை புறக்கணிக்க தொடங்கி உள்ள நிலையில், இசையமைப்பாளர் ஜிப்ரான், தான் டிக்டாக் மற்றும் ஹலோ செயலிகளை புறக்கணித்து அதில் வைத்திருந்த தனது அதிகாரப்பூர்வ கணக்குகளை அழித்து விட்டதாக அறிவித்துள்ளார். மேலும், நீங்கள் எப்போது அதை செய்யப் போறீங்க என்றும் கேள்வி எழுப்பி உள்ளார்.

அது மட்டும் போதுமா?

அவரது தேசப் பற்றை பார்த்த அவரது ரசிகர்கள் பாராட்டி வருகின்றனர். சில நெட்டிசன்கள், உங்கள் மொபைலில் உள்ள பல சீன உபகரணங்களையும் கழட்டி எறிய முடியுமா? இது முட்டாள்த்தனமான முடிவு என்றும், இதனால் சீனா பாதிக்காது என்றும் கமெண்ட் செய்து வருகின்றனர்.