கண்ணீரே வந்துவிட்டது.. இளையராஜாவின் வீடியோ குறித்து இளம் இசையமைப்பாளர் உருக்கம்!

பிரபலங்கள் பிரார்த்தனை

சினிமா பிரபலங்கள், நடிகர், நடிகைகள், பாடகர்கள், இயக்குநர்கள், இசையமைப்பாளர்கள் என பலரும் எஸ்பி பாலசுப்ரமணியம் நலமடைய பிரார்த்தனை செய்வதாக தெரிவித்தனர். இசையமைப்பாளர் ஏஆர் ரஹ்மான், இயக்குநர் பாரதிராஜா, நடிகர் தனுஷ் உள்ளிட்ட பலரும் அவர் விரைவில் நலம்பெற வேண்டும் என வேண்டி வருகின்றனர்.

பாலு வா.. சீக்கிரம் வா..

இந்நிலையில் இசையமைப்பாளர் இளையராஜா பாடகர் எஸ்பி பாலசுப்ரமணியம் விரைவில் நலம் பெற வேண்டும் என பாலு வா.. சீக்கிரம் வா என உருக்கமாக பேசி வீடியோ ஒன்றை வெளியிட்டிருந்தார். நமக்குள் சண்டை இருந்தாலும் அது நட்புதான் என்றும் நம்முடைய நட்பு இசையும் ஸ்வரமும் போன்றது என்றும் கூறியிருந்தார்.

உள்ளுணர்வு சொல்கிறது

நம்முடைய நட்பை யாராலும் பிரிக்க முடியாது, என் உள்ளுணர்வு நீ விரைவில் நலம்பெற்று வருவாய் என கூறுகிறது, அது நிஜமாகட்டும் என்றும் கூறியிருந்தார். இளையராஜாவின் இந்த வீடியோ சமூக வலைதளங்களில் பெரும் வைரலானது.

கண்ணீர் வந்துவிட்டது

இந்நிலையில் இளையராஜாவின் இந்த வீடியோவை இசையமைப்பாளர் தமன், தனது டிவிட்டர் பக்கத்தில் ரீடிவிட் செய்துள்ளார். மேலும் இந்த வீடியோவையும் ராஜா சாரின் உண்மையான சொற்களையும் பார்த்த பிறகு கண்ணீர் வந்து விட்டது.... அவர்கள் தங்கள் நட்பை மிகவும் மதித்தனர்.. அப்படிதான் ஆயிரக்கணக்கான பாடல்களால் அவர்கள் நம் இதயத்தை வென்றார்கள்.. நான் பிரார்த்தனை மற்றும் வலுவான நட்பை நம்புகிறேன். கடுமையாக பிரார்த்திப்போம் !! என குறிப்பிட்டுள்ளார்.