Don't Miss!
- Sports மும்பை : மும்பை இந்தியன்ஸ் டீமை கெடுத்து குட்டிச் சுவர் ஆக்கிய ஹர்திக் பாண்டியா? விளாசி வரும் ரசிகர்கள்
- News பெண் எஸ்.பி.க்கு பாலியல் தொல்லை! சென்னை ஹைகோர்ட் அதிரடி! சரணடைகிறாரா ராஜேஷ் தாஸ்?
- Finance Adani: விதிமுறைகளை மீறி முதலீடு! வெளிநாட்டு நிறுவனங்கள் செய்த டகால்டி வேலையை கண்டுபிடித்த செபி!
- Lifestyle நீங்க ஏ.சி. போட போறீங்களா? இந்த 3 விஷயங்களை செய்ய மறந்துடாதீங்க...!
- Automobiles தலைக்கு மேல ஊட்டியையே தூக்கி வச்ச மாதிரி இருக்கும்! டிராஃபிக் போலீசாருக்கு ஏசி ஹெல்மெட் வந்தாச்சு!
- Technology இது தெரியாம போச்சே.. இன்டர்நெட் இல்லாமல் UPI கட்டணம் செலுத்தலாமா? Google Pay, PhonePe, Paytm மக்களே கவனியுங்க!
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஸ்ரேயாவுக்கு ஏன் முக்கியத்துவம்.. மலையாளிகளைப் பாட வைக்கலாமே? கேட்கிறார் சித்ரா
திருவனந்தபுரம்: மலையாள இசையமைப்பாளர்கள் பலரும் ஸ்ரேயா கோஷலுக்கு மட்டும் அதிக முக்கியத்துவம் கொடுப்பது ஏன் என்று பிரபல பின்னணிப் பாடகி சித்ரா கேட்டுள்ளார். ஸ்ரேயா சிறந்த பாடகி என்பதில் மாற்றுக்கருத்து இல்லை ஆனால் மலையாளத்தில் நன்றாக பாடக்கூடியவர்கள் நிறைய பேர் இருக்கிறார்களே என்று கூறியுள்ளார் சித்ரா.
சினிமா உலகில் நடிகைகள் இடையே மட்டும் போட்டியில்லை பாடகிகள் இடையேயும் போட்டி இருக்கத்தான் செய்கிறது. இன்றைய கால கட்டத்தில் ஏராளமான இசையமைப்பாளர்களும், பாடகர்களும் பாடகிகளும் வந்து கொண்டுதான் இருக்கின்றனர். ஆனால் ஒருசிலர் காட்டில் மட்டுமே அடைமழை கொட்டுகிறது.
இளைய தலைமுறையினருக்கு வழிவிட்டு சில பாடகர்களும் பாடகிகளும் டிவி ரியாலிட்டி நிகழ்ச்சிகளுக்கு நடுவர்களாகிவிட்டனர்.
ஸ்ரேயா கோஷல்
இந்தியாவின் பிரபல பின்னணி பாடகியான ஸ்ரேயா கோஷல் தமிழ், ஹிந்தி மலையாளம் உட்பட பல இந்திய மொழிகள் பல பாடல்களை பாடியிருக்கிறார்.
மெலடி குயின்
மெலடி குயின் என்ற பட்டத்திற்கு சொந்தமானவர் ஸ்ரேயா. இவரது ரம்மியமான குரலுக்கு இந்தியா முழுவதும் ரசிகர்கள் உள்ளனர். அதிக சம்பளம் பெறும் பாடகிகளின் பட்டியலில் ஸ்ரேயா கோஷலுக்கு எப்போதும் இடமுண்டு.
தமிழ் படங்களில் பாடல்கள்
தமிழில் மட்டும் இவர் 50க்கும் மேற்பட்ட படங்களில் பாடியிருக்கிறார். இவர் பாடும் பாடல்கள் அனைத்துமே தமிழில் ஹிட்டாகியுள்ளன.
மலையாளத்தில் ரசிகர்கள்
மலையாள தேசத்தில் ஸ்ரோயா கோஷலின் குரலுக்கு தனி ரசிகர்கள் உள்ளனர். இதனால் இசையமைப்பாளர்கள் பலரும் ஸ்ரேயா கோஷலுக்கே முக்கியத்துவம் தருகின்றனர். அவர் பாடிய பல பாடல்கள் சூப்பர் ஹிட் ஆகியுள்ளன.
மலையாள பாடகிகள்
இது மலையாள தேசத்து பாடகிகளுக்கு சிக்கலை ஏற்படுத்தியுள்ளது. ஓணம் பண்டிகையை முன்னிட்டு டிவியில் பேட்டியளித்த சின்னக்குயில் சித்ரா, இசைத்துறையில் நடக்கும் பாலிடிக்ஸ் பற்றி தனது மனக்குமுறலை வெளிப்படுத்தியுள்ளார்.
முன்னுரிமை ஏன்?
மலையாள இசையமைப்பாளர்கள் ஸ்ரேயா கோஷலுக்கே முன்னுரிமை தருவதாக தனது வருத்தத்தை தெரிவித்துள்ளார். ஸ்ரேயா கோஷல் நல்ல பாடகி என்பதில் மாற்றுக்கருத்து இல்லை. ஆனால் மலையாளத்திலும் திறமையான பல இளைஞர்கள் முன்னுக்கு வர துடிக்கின்றனர். அவர்களுக்கும் வாய்ப்பு வழங்கலாமே என்பதுதான் என் கருத்து என்று கேட்டுள்ளார்.
தமிழில் மலையாள பாடகிகள்
சித்ரா சொல்வதைப் போல மலையாள பாடகிகளுக்கு இசையமைப்பாளர்கள் முன்னுரிமை கொடுப்பதாக வைத்துக்கொள்வோம். அதே நேரத்தில் தமிழ் திரைப்படங்களில் அந்த காலத்தில் தொடங்கி, சித்ரா, சொர்ணலதா, மின்மினி, சுஜாதா, உன்னி மேனன் என மலையாள பாடகிகள் லிஸ்ட் அதிகமாக இருக்கிறதே அதற்கு என்ன பதில் சொல்வார் சித்ரா.
நமக்கு வந்தா ரத்தம்.. மத்தவங்களுக்கு வந்தா...??