என் ஹீரோ.. என் நண்பன்.. என் விக்ரம்.. கமல் தோளில் சாய்ந்து குஷ்பு நெகிழ்ச்சி.. ரீசன்ட் க்ளிக்ஸ்!

பாகுபலி வசூலை முந்திய விக்ரம்

தமிழ்நாட்டில் 150 கோடி வசூல் உடன் பாகுபலி 2ம் பாகத்தின் தமிழ்நாடு வசூலை கமல்ஹாசனின் விக்ரம் படம் முந்தியதாக தகவல்கள் வெளியாகி உள்ளன. விக்ரம் படத்தின் சக்சஸ் மீட் நிகழ்ச்சி நேற்று நடைபெற்ற நிலையில், அதிகாரப்பூர்வமாக ஏகப்பட்ட பாக்ஸ் ஆபிஸ் சாதனைகளை படத்தின் விநியோகஸ்தர் உதயநிதி ஸ்டாலினே அறிவித்து இருந்தார்.

பலே விருந்து

கைதி, மாஸ்டர், விக்ரம் என தனது படங்களில் பிரியாணிக்கு தனி சீன் வைக்கும் இயக்குநர் லோகேஷ் கனகராஜுக்கே நேற்று பலமான விருந்தை வைத்து அழகு பார்த்தார் கமல்ஹாசன். கமல், லோகேஷ் கனகராஜ், அனிருத் எல்லாம் ஒன்றாக அமர்ந்து வாழை இலையில் கறி விருந்து உண்ணும் புகைப்படங்களும், 40 வகையான உணவுகள் வழங்கப்பட்ட லிஸ்ட்டும் டிரெண்டாகி வருகிறது.

கமலுடன் குஷ்பு

விக்ரம் படத்தை பலரும் பாராட்டி வரும் நிலையில், தற்போது நடிகை குஷ்பு தனது ட்விட்டர் பக்கத்தில் கமல் தோள் மீது சாய்ந்தபடி எடுத்துக் கொண்ட புகைப்படங்களை வெளியிட்டு தனது நெகிழ்ச்சியை வெளிப்படுத்தி இருக்கிறார். குஷ்பு வெளியிட்டுள்ள புகைப்படங்கள் சமூக வலைதளங்களில் தீயாய் பரவி வருகின்றன.

மை ஹீரோ

மேலும், அந்த புகைப்படங்களுடன் 'மை ஹீரோ.. மை பிரெண்ட்.. மை விக்ரம்' என விக்ரம் படத்தை குறிப்பிட்டு நடிகை குஷ்பு பதிவிட்டு இருப்பதை பார்த்த கமல் ரசிகர்கள் அந்த புகைப்படங்களை லைக் செய்தும், ரீட்வீட் செய்தும் வருகின்றனர். சுடிதாரில் செம அழகாக குஷ்புவும், கோட் போன்ற சட்டையை அணிந்து செம கூலாக கமலும் அந்த புகைப்படத்தில் உள்ளனர்.

சிங்காரவேலன் ஞாபகம் வருது

நடிகை குஷ்பு தனது ட்விட்டர் பக்கத்தில் பதிவிட்டுள்ள இந்த புகைப்படங்களை பார்த்த ரசிகர்கள் அப்படியே சிங்காரவேலன் படம் தான் ஞாபகத்துக்கு வருது என கமெண்ட் போட்டு கண் வைத்து வருகின்றனர். மைக்கேல் மதன காமராஜன், சிங்காரவேலன் என சில படங்களிலேயே இருவரும் ஒன்றாக இணைந்து நடித்துள்ளது குறிப்பிடத்தக்கது.

மீண்டும் இணைவார்களா

அண்ணாத்த படத்தில் ரஜினிகாந்த் உடன் பல ஆண்டுகள் கழித்து நடிகை குஷ்பு இணைந்து நடித்த நிலையில், மீண்டும் கமலுடன் இணைந்து ஏதாவது புதிய படத்தில் நடிக்க வாய்ப்பு இருக்கிறதா? என்றும் ரசிகர்கள் கேள்விகளை எழுப்பி உள்ளனர்.