பிக் பாஸ் 3 வீட்டில் மைனா, ப்ரியங்கா அக்காவா?

மைனா நந்தினி

பிக் பாஸ் 3 வீட்டிற்கு ஜாங்கிரி மதுமிதா செல்வது மட்டுமே உறுதியாகியுள்ளது. இந்நிலையில் விஜய் தொலைக்காட்சி தொடர் புகழ் மைனா நந்தினியும், நம்ம ப்ரியங்கா அக்காவும் பிக் பாஸ் 3 நிகழ்ச்சியில் கலந்து கொள்ளப் போவதாக சமூக வலைதளங்களில் பேசப்படுகிறது. ப்ரியங்கா அக்காவை பிக் பாஸ் சேரில் அமரவைத்துவிட்டார்கள் நெட்டிசன்கள்.

ஆர்வம்

என்ன மைனா, பிக் பாஸ் 3 நிகழ்ச்சியில் கலந்து கொள்ளப் போகிறீர்களா என்று அவரிடம் கேட்கப்பட்டது. அதற்கு அவரோ, இதுவரை யாரும் என்னை அழைக்கவில்லை. ஆனால் அழைத்தால் நிச்சயம் பிக் பாஸ் வீட்டிற்கு செல்வேன் என்று தெரிவித்துள்ளார். பிக் பாஸ் ஏற்பாட்டாளர்களே, மைனா ரெடி, நீங்க ரெடியா?

வாழ்த்து

காதலித்து திருமணம் செய்து கொண்ட மைனா நந்தினியின் கணவர் தற்கொலை செய்து கொண்டார். அதனால் மனமுடைந்து போன அவர் அதில் இருந்து மெல்ல மெல்ல வெளியே வந்து கொண்டிருக்கிறார். அவருக்கு இரண்டாவது திருமணம் நடைபெற உள்ளது. இந்த திருமணம் நிலைத்து நின்று அவர் சந்தோஷமாக வாழட்டும் என்று ரசிகர்கள் மனதார வாழ்த்துகிறார்கள்.

ப்ரியங்கா தேஷ்பாண்டே

பிக் பாஸ் போட்டியாளர்களின் பெயர்களை அதிகாரப்பூர்வமாக அறிவிக்கும்வரை அவர் போகிறார், இவர் போகிறார் என்று பேச்சு கிளம்புவது வழக்கமான ஒன்று. நிகழ்ச்சி தொகுப்பாளரான ப்ரியங்கா பிக் பாஸ் வீட்டிற்கு சென்றால் செம என்டர்டெயின்மென்டாக இருக்கும். ஆனால் அது நடக்குமா என்பதை பொறுத்திருந்து பார்ப்போம். அக்கா, பிக் பாஸ் வீட்டிற்கு வாங்கக்கா என்று ரசிகர்கள் அழைப்பு விடுத்தால் மட்டும் போதுமா?. நிகழ்ச்சி ஏற்பாட்டாளர்கள் அழைக்க வேண்டும், ப்ரியங்கா ஒப்புக்கொள்ள வேண்டும். இப்படி நிறைய விஷயம் உள்ளதே.