“கடைசி விவசாயி“ தந்த மகா கலைஞன் மணிகண்டன்… நெகிழ்ந்து பாராட்டிய மிஷ்கின் !

கடைசி விவசாயி

காக்கா முட்டை, மணிகண்டன் இயக்கி, தயாரித்துள்ள படம் கடைசி விவசாயி. இப்படத்தில் நாயகனாக நல்லாண்டி என்ற முதியவர் நடித்துள்ளார். அவருடன் விஜய் சேதுபதி, யோகி பாபு உள்ளிட்ட பலர் நடித்துள்ளனர். இப்படத்துக்கு சந்தோஷ் நாராயணன் இசையமைப்பாளராகப் பணிபுரிந்துள்ளார். இப்படம் பிப்ரவரி 12ந் தேதி திரையரங்குகளில் வெளியாகி நல்ல வரவேற்பை பெற்ற வருகிறது.

சோகக் கதை அல்ல

படத்தின் தலைப்பை வைத்து இது விவசாயிகளின் சோகக் கதையினை, அவல வாழ்க்கையை அழுது அழுது சொல்லப் போகிற சினிமா எனத் தோன்றலாம். ஆனால் மணிகண்டன் அப்படி படத்தை அப்படி இயக்காமல். இந்த கதையை வேறு விதமாக கையாண்டிருக்கிறார். ஒரு சம்சாரியின் வாழ்க்கையினை மிக நெருக்கமாக நின்று படம் பிடித்து நமக்குக் காட்டியிருக்கிறார். இப்படம் பலரின் பாராட்டை பெற்று வருகிறது.

ஆரத் தழுவி

இந்நிலையில், மணிகண்டனின் சொந்த ஊரான உசிலம்பட்டிக்கு சென்றுள்ளார் இயக்குநர் மிஷ்கின். அவரை சந்தித்து தனது வாழ்த்துகளை தெரிவித்துள்ளார். இது குறித்து அவர் வெளியிட்டுள்ள அறிக்கையில், கடைசி விவசாயி தந்த மகா கலைஞனான மணிகண்டனை அவன் ஊரான உசிலம்பட்டிக்குச் சென்று சந்தித்தேன். ஆரத் தழுவினேன். மிகச் சிறந்த படைப்பைத் தமிழுக்குத் தந்த அவனுக்கு நன்றி கூறி, அவன் கரங்களை முத்தமிட்டேன்.

உன் பயணம் தொடரட்டும்

படத்தின் கதையின் நாயகனாக, ஒட்டுமொத்த இந்தியாவின் எல்லா விவசாயிகளின் அடையாளமாக வாழ்ந்த பெரியவரின் வீட்டுக்குச் சென்று அவர் புகைப்படத்திற்கு மலரஞ்சலி செலுத்தினேன். மணிகண்டன் படப்பிடிப்பு செய்த இடத்திற்குச் சென்று மதிய உணவு உண்டோம். இந்த முழு நாளும் ஒரு அற்புத நாளாக மாறியது. மணிகண்டா, உன் பயணம் தொடரட்டும். உன்னை இயற்கை பத்திரமாகப் பார்த்துக் கொள்ளும்.அன்புடன். மிஷ்கின். என பதிவிட்டுள்ளார்.