நாக சைதன்யா - சோபிதா துலிபாலா நிச்சயதார்த்தம் இன்று நடைபெறவில்லை?.. ஆனால், செம ட்விஸ்ட் இருக்கு!

சென்னை: நாக சைதன்யா மற்றும் சோபிதா துலிபாலாவின் நிச்சயதார்த்தம் இன்று நடைபெறுவதாக தெலுங்கு சினிமா வட்டாரத்தில் இருந்து தகவல் வெளியானதில் இருந்தே சோஷியல் மீடியாவில் #SobhitaDhulipala ஹாஷ்டேக்கை டிரெண்ட் செய்து சமந்தா ரசிகர்கள் கழுவி ஊற்றி வருகின்றனர்.

நாக சைதன்யா ரசிகர்கள் நிச்சயதார்த்த தகவல் அறிந்து இருவருக்கும் வாழ்த்து மழை பொழிய ஆரம்பித்து விட்டனர். இந்நிலையில், நாகார்ஜுனாவின் வீட்டில் இன்று இருவருக்கும் நிச்சயதார்த்தம் ஆகவில்லை என்கிற தகவல்கள் தற்போது கசிந்துள்ளன.

ஆனால், அதிலும் ஒரு செம ட்விஸ்ட்டாக வந்திருக்கும் தகவல் தான் தற்போது ஒட்டுமொத்த ரசிகர்களையும் ஷாக் ஆக்கியுள்ளது.

நிச்சயதார்த்தம் நடைபெறவில்லை?: நாக சைதன்யா மற்றும் சோபிதா துலிபாலாவின் நிச்சயதார்த்தம் இன்று நடைபெறவில்லை என நம்பத் தகுந்த வட்டாரங்கள் தகவல் தெரிவித்துள்ளன. நாக சைதன்யா நிச்சயதார்த்தம் இன்று நடைபெற உள்ளதாக காலை முதலே சோஷியல் மீடியா கொந்தளித்து வந்த நிலையில், இப்படியொரு செய்தி ரசிகர்களை ஷாக் ஆக்கியுள்ளது.

இரு வீட்டார் சந்திப்பு: ஆனால், இதில் ட்விஸ்ட் என்னவென்றால் நாக சைதன்யா மற்றும் சோபிதா துலிபாலா இன்று நாகார்ஜுனாவின் வீட்டுக்குச் சென்றது உண்மைதான் என்றும் கூறுகின்றனர். சோபிதா துலிபாலாவின் குடும்பத்தினர் மற்றும் உறவினர்கள் நாக சைதன்யாவின் குடும்பத்தினரை சந்தித்து நிச்சயதார்த்தம் குறித்த பேச்சுவார்த்தைகளை இன்று நடத்தியுள்ளதாக கூறுகின்றனர்.

விரைவில் நிச்சயதார்த்தம்: எளிமையாக காதும் காதும் வைத்தது போல ரகசியமாக எல்லாம் நிச்சயதார்த்தத்தை நடத்தக் கூடாது என்றும் அனைவரும் அறியும் வண்ணம் பிரம்மாண்டமாக நிச்சயதார்த்தத்தை விரைவில் நடத்த வேண்டும் என சோபிதா துலிபாலா தரப்பு நாகார்ஜுனாவிடம் கேட்டுக் கொண்டதாகவும் அதற்கு அவரும் சம்மதம் தெரிவித்துள்ளதாக கூறப்படுகிறது.

அப்போ இது வதந்தி இல்லையா?: நாக சைதன்யா மற்றும் சோபிதா துலிபாலா இருவருமே சீக்கிரமே ஜோடியாகப் போவது உறுதியான தகவல் தான் என்றும் இனிமேல் அவர்கள் காதல் கதை எல்லாம் வதந்தி கிடையாது என தெலுங்கு சினிமா வட்டாரத்தில் இருந்து தகவல்கள் கசிந்துள்ளன. கூடிய சீக்கிரமே இருவரும் திருமணம் செய்துக் கொண்டு மணமக்களாக மாறப்போவது 100 சதவீதம் கன்ஃபார்ம் என்றும் இருவீட்டார் சந்திப்பு நடைபெற்ற புகைப்படங்கள் வெளியாக வாய்ப்புகள் அதிகம் என்றும் எதிர்பார்க்கப்படுகிறது.