ஆமிர்கான் படத்தில் விஜய் சேதுபதிக்கு பதில் நடிக்கப் போகும் நடிகர் இவரா? றெக்கை கட்டி பறக்கும் தகவல்!

கால்ஷீட் பிரச்சனை

இந்தப் படத்தில் முதலில் விஜய் சேதுபதியும் இணைந்து நடிப்பதாக தகவல் வெளியானது. ஆனால் பல படங்களில் பிஸியாக உள்ள விஜய் சேதுபதி, லால் சிங் சதா திரைப்படத்துக்கு தேதி ஒதுக்குவதில் பிரச்சனை ஏற்பட்டது.

விஜய் சேதுபதிக்கு பதில்

இதனால் அந்தப் படத்தில் இருந்து விலகினார் விஜய் சேதுபதி. இந்நிலையில் லால் சிங் சதா திரைப்படத்தில் விஜய் சேதுபதி நடிக்க இருந்த ரோலில் தெலுங்கு நடிகரான நாக சைதன்யா நடிக்க உள்ளதாக தகவல் வெளியாகியுள்ளது.

பாலிவுட்டில் அறிமுகம்

இதுவரை அதிகாரப்பூர்வ அறிவிப்பு ஏதும் வெளியாகவில்லை. இதனிடையே தற்போது நாக சைதன்யா விக்ரம் குமார் இயக்கும் தேங்க் யூ என்ற படத்தில் நடித்து வருகிறார். லால் சிங் சதா படத்தில் நடிப்பது உறுதியானால் அதுவே அவரது பாலிவுட் அறிமுகப்படமாகும்.

பவானி கேரக்டர்

பல்வேறு மொழிகளிலும் ஏராளமான படங்களை கைவசம் வைத்துள்ள விஜய் சேதுபதி பிஸியஸ்ட் நடிகராக வலம் வருகிறார். விஜய்யின் மாஸ்டர் படத்தில் பவானி கேரக்டரில் நடித்த பிறகு அவரது மார்க்கெட் இன்னும் உயர்ந்துள்ளது.

காத்துவாக்குல ரெண்டு காதல்

விஜய் சேதுபதி தற்போது தமிழ் மட்டுமின்றி மலையாளம், தெலுங்கு மற்றும் இந்தி மொழியிலும் நடித்து வருகிறார். சமந்தா மற்றும் நயன்தாராவுடன் விஜய் சேதுபதி நடித்து காத்துவாக்குல ரெண்டு காதல் திரைப்படம் அடுத்து ரிலீஸ் ஆகும் என கூறப்படுகிறது.