விவேக் நினைவாக மரக்கன்று வைத்த நகுல்...வைரலாகும் வீடியோ

விவேக்குடன் நடித்த நகுல்

நகுல் அறிமுகமான பாய்ஸ் படத்தில் விவேக் முக்கிய கேரக்டரில் நடித்திருந்தார். அதன் பிறகு இருவரும் சேர்ந்து நடிக்கவேயில்லை. இந்நிலையில் நேற்று விவேக் மறைவிற்கு அஞ்சலி செலுத்தும் வகையில் சில வீடியோக்களை நகுல் தனது இன்ஸ்டாகிராம் பக்கத்தில் வெளியிட்டிருந்தார்.

விவேக் நினைவாக மரக்கன்று

அத்துடன் ஒரு வீடியோவில், விவேக் தனி ஆளாக இருந்து 33 லட்சத்திற்கும் அதிகமான மரங்களை நட்டுள்ளார். அது சாதாரண விஷயமல்ல. அவருக்கு அஞ்சலி செலுத்தும் வகையில் அவரது நினைவாக மரக்கன்று ஒன்றை நட போகிறோம் னெ ஒரு வீடியோவில் குறிப்பிட்டிருந்தார்.

எங்கள் இதயங்களில் இருப்பீர்கள்

தொடர்ந்து தான் மரக்கன்று ஒன்றை நடும் வீடியோவையும் நகுல் பதிவிட்டார். அத்துடன், விவேக் சார் நினைவாக நான் மாங்கன்று ஒன்றை நட்டுள்ளேன். அதற்கு மங்கலம் என பெயரிட்டுள்ளேன். உங்களை நாங்கள் மிஸ் செய்கிறோம் சார். நீங்கள் எப்போதும் எங்களின் இதயங்களில் இருப்பீர்கள். அழகிய நினைவுகளை தந்ததற்கு நன்றி எனவும் கேப்ஷன் பதிவிட்டுள்ளார்.

மரக்கன்றிற்கு பெயர் மங்கலம்

பாய்ஸ் படத்தில் மங்கலம் என்ற கேரக்டரில் தான் விவேக் நடித்திருந்தார். அதனால் அவரது நினைவாக தான் நடும் மரக்கன்றிற்கு அந்த பெயரையே நகுல் வைத்துள்ளார். நகுல் பதிவிட்ட இந்த வீடியோ தற்போது வைரலாகி வருகிறது. 2 லட்சத்திற்கும் அதிகமானவர்கள் பார்த்து, லைக் செய்துள்ளனர்.