Don't Miss!
- News சம்மருக்கு டிராவல் பண்றவங்களுக்கு நோ பிராப்ளம்.. சூப்பர் பிளானை கையில் எடுத்த ரயில்வே! இத பாருங்க
- Finance அஜித் குமார்-க்கு கிடைத்த புதிய பதவி.. இனி மாஸ் தான்..!!
- Sports IPL 2024 : "தோனி ஒரு தேசிய ஹீரோ.. என் குழந்தைகளிடம் பெருமையாக சொல்வேன்" மனம் திறந்த நிக்கோலஸ் பூரன்
- Technology இதுதான் ஆஃபர்.. ரூ.6,999 போதும்.. 5000mAh பேட்டரி.. LCD டிஸ்பிளே.. POCO போனை வாங்க சரியான நேரம்..
- Automobiles 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
- Lifestyle இந்தியாவின் டாப் 10 ஏழை மாநிலங்கள் என்னென்ன தெரியுமா? கடைசி இடத்துல இருக்கிறத பார்த்தா ஷாக் ஆகிடுவீங்க...!
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
என் ரூம்மேட்டும், அம்மாவும் சேர்ந்து தாக்கினார்கள்: காயத்துடன் போலீசிடம் சென்ற நடிகை
மும்பை: தன்னை தாக்கிய ரூம் மேட் மற்றும் அவரின் அம்மா மீது மும்பை காவல் நிலையத்தில் புகார் அளித்துள்ளார் நடிகை நளினி நெகி.
இந்தி தொலைக்காட்சி தொடர்களில் நடித்து வருபவர் நளினி நெகி(29). அவர் தன்னுடன் தங்கியுள்ள ப்ரீத்தி என்பவர் மீதும், அவரின் தாய் மீதும் காவல் நிலையத்தில் புகார் அளித்துள்ளார்.
நளினியும், ப்ரீத்தியும் மும்பையில் ஒரே வீட்டில் தங்கியுள்ளனர். இந்நிலையில் இது குறித்து நளினி கூறியதாவது,
வயிறை பார்த்து கிண்டல் செய்த நெட்டிசன்ஸ்: நெத்தியடி கொடுத்த நடிகை
பிரச்சனை
புதன்கிழமை காலை தான் அந்த சம்பவம் நடந்தது. வீட்டை காலி செய்யுமாறு நான் ப்ரீத்தியிடம் கூறினேன். நானும், ப்ரீத்தியும் பேசுவதே இல்லை. அன்று என் நண்பர் வந்திருந்தார். ப்ரீத்தியின் அம்மாவும் வந்திருந்தார். ப்ரீத்தியின் அம்மா திடீர் என்று என்னை திட்டத் துவங்கிவிட்டார். என் கேரக்டர் பற்றி தரக்குறைவாக பேசினார்.
நளினி
மெதுவாக பேசுங்கள் என்று நான் சொல்லச் சொல்ல மேலும் கத்தினார். பின்னர் அவர் என் ரூம்மேட்டான ப்ரீத்தியை வரவழைத்தார். அதன் பிறகே தாயும், மகளும் என் மீது உள்ள பொறாமையால் ஏதோ செய்ய திட்டமிட்டுள்ளனர் என்பது புரிய வந்தது. நான் எப்படி வீட்டை காலி செய்யச் சொல்லலாம் என்று அவர்கள் நினைத்திருக்கக்கூடும்.
தாக்குதல்
ப்ரீத்தியின் அம்மா குவளையை எடுத்து என் மீது வீசினார், அதன் பிறகு நான் மயங்கிவிட்டேன். பின்னர் தாயும், மகளும் சேர்ந்து என்னை அடித்ததுடன், முகத்தில் கீறினர். இதை பார்த்து அங்கிருந்த என் நண்பர் அதிர்ச்சி அடைந்தார். இதையடுத்து தான் நான் ப்ரீத்தி மற்றும் அவரின் அம்மா மீது காவல் நிலையத்தில் புகார் அளித்தேன்.
காயம்
அவர்களுக்கு சட்டப்படி தண்டனை வாங்கிக் கொடுப்பேன். நஷ்ட ஈடு கேட்பது குறித்து நான் யோசித்துக் கொண்டிருக்கிறேன். எனக்கு காயம் ஏற்பட்டதால் ஷூட்டிங்கிற்கு செல்ல முடியவில்லை என்றார் நளினி. முன்னதாக நளினி பேட்டி ஒன்றில் கூறியதாவது, சில ஆண்டுகளுக்கு முன்பு ப்ரீத்தியும், நானும் ஒரே வீட்டில் வசித்தோம். பின்னர் நான் ஓஷிவாராவில் ஒரு வீடு எடுத்து தனியாக தங்கினேன். சில வாரங்களுக்கு என்னுடன் தங்க அனுமதி கேட்டார் ப்ரீத்தி, சில வாரங்கள் தானே என்று நினைத்து அனுமதி அளித்தேன் என்றார்.