கண்ணெதிரே தோன்றினாள் ரவிச்சந்திரன் இயக்கும் 'நட்பதிகாரம் -79'

ரேஷ்மி - தேஜஸ்வினி

'இனிது இனிது' படத்தில் நடித்த ரேஷ்மி கதாநாயகியாகவும், இன்னொரு நாயகியாக தேஜஸ்வி என்ற புதுமுகம் நடிக்கிறார். மற்றும் எம்எஸ் பாஸ்கர், பஞ்சு சுப்பு, வினோதினி மற்றும் பலர் நடிக்கிறார்கள். கலக்கபோவது யாரு விக்னேஷ் கார்த்திக் காமெடியனாக அறிமுகம் ஆகிறார்.

கண்ணெதிரே தோன்றினாள்

ஆர்பி குருதேவ் ஒளிப்பதிவு செய்ய, தீபக் நிலம்பூர் இசையமைக்கிறார். சாபு ஜோசப் எடிட்டிங் செய்கிறார். சென்ற ஆண்டு தேசிய விருது பெற்றவர் சாபு ஜோசப்.

படம் பற்றி இயக்குனர் ரவிச்சந்திரன் கூறுகையில், "கண்ணெதிரே தோன்றினாள் படத்தில் நட்பையும், காதலையும் சொன்ன விதத்தில் அப்படம் பெரிய வெற்றியை பெற்றது.

நட்பதிகாரம்

நட்பதிகாரம் படத்தில் நட்பையும், காதலையும் உள்ளடக்கி இரு குடும்பங்களுக்குகிடையே உள்ள உறவை இதில் பதிவு செய்துள்ளோம்.
மஜ்னு படத்தில் நான் ஹாரீஸ் ஜெயராஜை அறிமுகப்படுத்திய போது அவருக்கு கிடைத்த வெற்றி எனக்கு மனத் திருப்தியைதே தந்தது. அது போலவே தீபக் நிலம்பூர் இசையில் எல்லாப் பாடல்களும் சூப்பர் ஹிட் ஆகும்.

தேவா

கண்ணெதிரே தோன்றினாள் படத்திற்கு எல்லாப் பாடல்களுமே சூப்பர் ஹிட் ஆனது. அதில் இசையமைத்த தேவா நட்பதிகாரம் - 79 படத்தில் ஒரு கானா பாடியுள்ளார். அது இந்த வருடத்தின் சூப்பர் ஹிட் ஆகும் என நம்புகிறேன்.

சென்னை, பெங்களூர், மைசூர் ஆகிய இடங்களில் படப்பிடிப்பு நடைபெற்றுக் கொண்டிருக்கிறது," என்றார். படம் டிசம்பர் மாதம் திரைக்கு வர உள்ளது.