Don't Miss!
- News மாஸ் காட்டிய சென்னைவாசிகள்! 40 ஆண்டுகள் இல்லாத அளவுக்கு வாக்குப்பதிவு! 1980க்கு பிறகு இதுதான் அதிகம்
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
மாயமான நடிகை உடல் கிடைத்தது.. மகனை காப்பாற்றிவிட்டு உயிர் விட்ட பரிதாபம்! தொடரும் 'க்ளீ' மர்மம்!
கலிபோர்னியா: ஏரியில் மாயமான பிரபல நடிகையின் உடல் ஆறு நாட்களுக்குப் பிறகு மீட்கப்பட்டுள்ளது. அவர் மகனை காப்பாற்றிவிட்டு தனது உயிரை விட்டிருக்கிறார்.
பிரபல ஹாலிவுட் நடிகை நயா ரிவேரா. வயது 33. சினிமா, டிவி சீரியல்களில் நடித்து பிரபலமானவர்.
இவர், நடிகர் ரியான் டோர்சே என்பவரைக் காதலித்துத் திருமணம் செய்துகொண்டார். இவர்களுக்கு ஜோஸி ஹாலிஸ் என்ற மகன் உள்ளார்.
விவாகரத்து
2 வருடங்கள் கழித்து கருத்து வேறுபாடு காரணமாக விவாகரத்து பெற்றனர். லாஸ் ஏஞ்சல்ஸில் வசித்து வந்த நடிகை ரிவேரா, தனது 4 வயது மகனுடன் பிக்னிக் செல்ல முடிவெடுத்தார். கலிபோர்னியாவின் வென்சுராவில் உள்ள பிரு ஏரிக்கு கடந்த புதன்கிழமை சென்றார். அங்கு ஒரு படகை, வாடகைக்கு அமர்த்தி சென்றார்.
படகில் தூங்கியபடி
குறிப்பிட்ட நேரத்துக்குள் அந்தப் படகு திரும்பவில்லை. சந்தேகம் அடைந்த பராமரிப்பாளர்கள் மற்றொரு படகில் சென்று பார்த்தனர். நடு ஏரியில் அந்தப் படகு இருந்தது. ஆனால், நடிகையை காணவில்லை. அதில் அவர் மகன் மட்டுமே இருந்துள்ளான். நயா ரிவேராவுக்கான லைஃப் ஜாக்கெட்டும் படகில் அப்படியே இருந்துள்ளது. அவர் மகன் படகில் தூங்கியபடி இருந்துள்ளான். அவன் உடலில் கவச உடை பொருத்தப்பட்டிருந்தது.
ஹெலிகாப்டர்
இதையடுத்து போலீசாரும் மீட்பு படையினரும் நயா ரிவேராவைத் தேடி வந்தனர். ஹெலிகாப்டர், ட்ரோன் போன்றவையும் பயன்படுத்தப்பட்டது. இதற்கிடையே ஏரியின் அருகே காரில் இறங்கி, தனது மகனுடன் நயா செல்வதும், படகில் மகன் மட்டும் இருப்பது போன்ற புகைப்படங்களும் சமூக வலைதளங்களில் வெளியாகின. பின்னர், ரியாவின் 4 வயது மகன் அவனது தந்தை ரியான் டோர்சேயிடம் ஒப்படைக்கப்பட்டான்.
உடல் கண்டெடுப்பு
இந்நிலையில் ஆறு நாட்களுக்குப் பிறகு நயா ரிவேராவின் உடல் நேற்று கண்டெடுக்கப்பட்டுள்ளது. நயாவின் உடல் கண்டெடுக்கப்பட்ட பகுதியில் நீரின் ஆழம் 35 முதல் 60 அடி ஆகும். அந்தப் பகுதியில் நயாவும் அவர் மகனும் நீந்தியுள்ளனர் என்றும் பின்னர், மகனை படகில் ஏற்றியதாகவும், தான் ஏற முயன்றபோது, நீரின் வேகம் அதிகமாக இருந்ததால் படகு நகன்றிருக்கும் என்றும் அதனால் தண்ணீருக்குள் அவர் சிக்கிக்கொண்டதாகவும் கூறப்படுகிறது.
போதைப்பொருள்
நயா ரிவேராவின் மறைவுக்கு சினிமா, டிவி பிரபலங்கள் இரங்கல் தெரிவித்து வருகின்றனர். நடிகை ரிவேரா, க்ளீ (Glee) என்ற தொடரில் நடித்ததன் மூலம் அதிகம் பிரபலமானவர். இந்த தொடரில் நடித்த, கோரி மான்டீத் ஏழு வருடங்களுக்கு முன், மதுவில் போதைப்பொருள் கலந்து குடித்ததால் பலியானார். ரிவேராவின் முன்னாள் காதலரான மார்க் சல்லிங் கடந்த 2018 ஆம் ஆண்டு தற்கொலை செய்து கொண்டார். இப்போது இந்த தொடரில் நடித்த நயா ரிவேராவும் உயிரிழந்திருப்பது பரபரப்பை ஏற்படுத்தி இருக்கிறது.