ஸ்பெயினில் இந்திய கொடியை பறக்க விட்ட நயன்தாரா-விக்கி.. லைக்ஸை அள்ளும் புகைப்படம்!

"நம்ம கொடி...ஸ்பெயின் எங்கும்"

75வது சுதந்திர தினத்தை திரைப்பிரபலங்கள் தங்கள் வீட்டில் தேசிய கொடியை பறக்கவிட்டு வருகின்றனர். அந்த வகையில் ஸ்பெயின் சென்றுள்ள நயன்தாரா - விக்னேஷ் சிவன் இருவரும் இந்திய தேசிய கொடியை ஏந்தியபடி சுதந்திர தின வாழ்த்துக்களை தெரிவித்துள்ளனர். இந்த புகைப்படத்தை விக்னேஷ் சிவன் தனது இன்ஸ்டாகிராம் பக்கத்தில் பதிவிட்டு "நம்ம கொடி...ஸ்பெயின் எங்கும்" என கூறி சுதந்திர தின வாழ்த்து தெரிவித்துள்ளார்.

தடபுடலான திருமணம்

நீண்ட நாட்களாக காதலர்களாக வலம் வந்த விக்கி, நயன்தாரா ஜோடி, கடந்த ஜூன் மாதம் 9ந் தேதி மகாபலிபுரத்தில் உள்ள ரெசாட்டில் கோலாகலமாக திருமணம் செய்து கொண்டார். 15க்கும் மேற்பட்ட புரோகிதர்கள் முன்னிலையில், வேதமந்திரங்கள் ஓத சினிமா பிரபலங்களே வாய்பிளக்கும் அளவுக்கு திருமணம் தடபுடலாக நடைபெற்றது.

தாய்லாந்தில் ஹனிமூன்

ஹனிமூன் இல்லை என்று சொல்லிவந்த இந்த ஜோடி, திருமணம் முடிந்த கையோடு தாய்லாந்துக்கு ஹனிமூன் சென்றனர். அந்தப் புகைப்படங்களை விக்னேஷ் சிவன், தனது இன்ஸ்டாகிராமில் பதிவிட்ட நிலையில், லைக்ஸ்களை அள்ளியது. இதையடுத்து நாடு திரும்பிய நயன்தாரா அட்லியின் ஜவான் படப்பிடிப்பில் பிஸியானார்.

இரண்டாவது ஹனிமூனா

இதே போல ஒலிம்பியாட் நிகழ்ச்சியில் விக்கி மிகவும் பிஸியாக இருந்தார். சமீபத்தில் அந்த நிகழ்ச்சி முடிந்ததை அடுத்து விக்கி மீண்டும் தன மனைவியுடன் உல்லாச பயணம் கிளம்பி விட்டார். தன மனைவியுடன் இருக்கும் புகைப்படத்தை வெயிட்டு வருகிறார் விக்கி. ரகிகர்கள் பலரும் என்ன இரண்டாவது ஹனிமூனா என கிண்டலாக கேட்டு வருகின்றனர்.