மேடம், ஹனிமூன் எங்க போக போறீங்க...வெட்கத்துடன் நயன்தாரா கொடுத்த ரிப்ளை

மஞ்சள் சேலையில் மங்களகரமாக வந்த நயன்

இதைத் தொடர்ந்து இன்று சென்னை வந்து செய்தியாளர்களை சந்தித்தனர். திருமணத்திற்கு பிறகு ஜோடியாக வந்து செய்தியாளர்களை சந்தித்து, தங்களுக்கு கொடுத்த ஆதரவிற்கு நன்றி கூறி விட்டு சென்றனர். காதல் கணவர் விக்னேஷ் சிவனின் கைகளை பிடித்தபடி, மஞ்சள் சேலையில் மங்களகரமாக, நெற்றியில் குங்குமம், கழுத்தில் தாலி, தங்க நகைகள் என முழுக்க முழுக்க தமிழ் பாரம்பரிய குடும்ப தலைவியாக மாறி இருந்தார் நயன்தாரா.

நன்றி தெரிவித்த நயன் - விக்கி

நயன்தாராவின் முகத்தில் முன்பு இருந்ததை விட பொலிவும், அழகும் கூடி இருப்பதை அனைவரையும் கவனித்து கேட்க துவங்கி விட்டனர். நயன்தாராவை முதல் முறையாக சந்தித்து கதை சொன்ன இடத்திலேயே திருமணத்திற்கு பிந்தைய பிரஸ் மீட்டை வைத்ததாக விக்னேஷ் சிவன் விளக்கம் அளித்தார். விக்னேஷ் சிவன் பேசிக் கொண்டிருக்கையில் குறுக்கிட்டு நயன்தாராவும் நன்றி தெரிவித்தார்.

ஹனிமூன் எங்க போக போறீங்க

நயன்தாரா பேசிக் கொண்டிருக்கையில் பத்திரிக்கையாளர் ஒருவர் கூட்டத்தில் இருந்து, மேடம்...ஹனிமூன் எங்க போக போறீங்க என கேட்டார். இதற்கு வெட்கப்பட்டு விக்னேஷ் சிவனை பார்த்து சிரித்தார் நயன்தாரா. வெட்கப்பட்ட படி நயன்தாரா சிரிப்பை மட்டுமே பதிலாக தந்தது அனைவரையும் கவர்ந்தது.

இது தான் நயன் - விக்கி பிளானா

ஆனால் விக்னேஷ் சிவனும் நயன்தாராவும் ஹனிமூன் எங்கும் செல்லவில்லை என கூறப்படுறது. வரிசையாக அடுத்தடுத்த படங்களில் கமிட்டாகி, இருவருமே சினிமாவில் பிஸியாக இருந்து வருவதால் படங்களில் கவனம் செலுத்த முடிவு செய்திருப்பதாக கூறப்படுகிறது. நயன்தாரா தற்போது மலையாளத்தில் கோல்டு, பாட்டு, இந்தியில் ஜவான் ஆகிய படங்களில் பிஸியாக நடித்து வருகிறார். தமிழில் விக்னேஷ் சிவன் இயக்க போகும் ஏகே 62 படத்திலும் நடிக்க அவரிடம் பேசப்பட்டு வருகிறது. விக்னேஷ் சிவனும் அஜித் அடுத்து நடிக்க உள்ள ஏகே 62 படத்தை இயக்க தயாராகி வருகிறார்.