நயன்தாரா - விக்னேஷ் சிவன் நெருக்கமான செல்பி படங்கள்.. மறுபடி முதல்லேருந்தா?

நயன்தாராவின் காதல் விவகாரம் கிசுகிசு அந்தஸ்திலிருந்து செய்தியாக மாறிவிட்டது கடந்த சில தினங்களாக.

அவரும், நானும் ரவுடிதான் பட இயக்குநர் விக்னேஷ் சிவனும் காதலிப்பதாகவும், ரகசிய திருமணம் செய்து கொண்டதாகவும் முதலில் கிசுகிசுக்கள் வெளியாகின. அதனை இருவருமே மறுத்தார்கள்.

படம் முடிவடைந்த நிலையில், படக்குழுவினர் மொத்தமாக படம் எடுத்து வெளியிட்டார்கள். அதில் நயன்தாராவும் இயக்குநரும் மிக நெருக்கமாக இருந்தனர்.

இப்போது இருவரும் கேரவனுக்குள் அணைத்தபடி செல்பி எடுத்து வெளியிட்டுள்ளனர். அந்தப் படங்கள் இருவருக்கும் இடையிலான உறவை அப்பட்டமாகக் காட்டிவிட்டன.

இருவரும் மலையாளி என்பதால் இந்த காதல் வெற்றி பெறும் என்கிறார்கள்.

சிம்புவும் நயன்தாராவும் காதலித்து, பின் செம சண்டை போட்டுக் கொண்டிருந்த காலத்தில், அவர்களுக்கிடையில் தூதுவராக செயல்பட்டவர் இந்த விக்னேஷ் சிவன் என்பது குறிப்பிடத்தக்கது.