தனது 'டார்லிங்'கை விஜய்க்கு ஜோடியாக்கும் அட்லீ?

அட்லீ

தல அல்லது தளபதி படத்தை தான் இயக்குவேன் என ஒற்றைக் காலில் நின்ற அட்லீக்கு விஜய்யின் படமே கிடைத்துள்ளது. பைரவா படத்தை அடுத்து விஜய் அட்லீயின் படத்தில் நடிக்கிறார்.

நயன்தாரா

அட்லீ தனது படத்தில் விஜய்க்கு ஜோடியாக நயன்தாராவை நடிக்க வைக்கப் போவதாக தகவல் வெளியாகியுள்ளது. அட்லீயின் முதல் பட ஹீரோயின் நயன்தாரா என்பது குறிப்பிடத்தக்கது.

விஜய்

விஜய், அட்லீ இணைந்த தெறி படம் சூப்பர் ஹிட்டானது. அதே போன்று அட்லீ இயக்கத்தில் நயன்தாரா நடித்த ராஜா ராணியும் சூப்பர் ஹிட். இந்நிலையில் இந்த மூன்றும் பேரும் சேர்வது ரசிகர்களிடையே எதிர்பார்ப்பை ஏற்படுத்தியுள்ளது.

வில்லு

நயன்தாரா விஜய்யுடன் சேர்ந்து வில்லு படத்தில் நடித்துள்ளார். மேலும் சிவகாசி படத்தில் கோடம்பாக்கம் ஏரியா பாடலுக்கு விஜய்யுன் சேர்ந்து நடனம் ஆடியிருப்பார்.

டார்லிங்

ராஜா ராணி படத்தில் நடிக்கும்போது நயன்தாராவும், அட்லீயும் நல்ல நண்பர்களாகிவிட்டனர். இதனால் அட்லீ நயன்தாராவை டார்லிங் என்று தான் செல்லமாக அழைப்பார்.