ஆகஸ்ட் 21-ல் நஸ்ரியா - பகத் பாஸில் திருமணம்!

படங்கள்

மலையாளத்தில் நிறைய படங்களில் நடித்துள்ள நஸ்ரியா, தமிழில் நேரம், நய்யாண்டி, வாயை மூடிப் பேசவும் போன்ற படங்களில் நடித்துள்ளார். அவர் கடைசியாக நடித்த திருமணம் எனும் நிக்காஹ் படம் விரைவில் வெளிவரவிருக்கிறது.

காதல்

இவருக்கும், இயக்குநர் பாஸில் மகன் பகத் பாஸிலுக்கும் ஒரு படத்தில் நடித்த போது காதல் பற்றியது. அது இருவீட்டார் சம்மதத்தோடு திருமணத்தில் வந்து நிற்கிறது. சில தினங்களுக்கு முன்புதான் இருவருக்கும் திருவனந்தபுரத்தில் நிச்சயதார்த்தம் நடந்தது நினைவிருக்கலாம்.

திருவனந்தபுரத்தில் திருமணம்

ஆகஸ்ட் 21-ம் தேதி மதியம் 12 மணிக்கு திருவனந்தபுரம் தேசிய நெடுஞ்சாலை பகுதியில் காலகுட்டம் என்ற இடத்தில் உள்ள அல்சாஜ் கன்வென்ஷன் சென்டரில் இந்தத் திருமணம் நடைபெறுகிறது.

வரவேற்பு

ஆகஸ்ட் 24-ம் தேதியன்று ஆலப்புழாவில் திருமண வரவேற்பு நடைபெறுகிறது. இந்த நிகழ்ச்சிகளில் கலந்து கொள்ள தமிழ் திரையுலகினருக்கும் அழைப்பிதழ் தந்து வருகின்றனர் நஸ்ரியா - பகத் ஜோடி.

கடைசி படம்

திருமணத்துக்குப் பிறகு நடிப்பதில்லை என்று முடிவில் உள்ள நஸ்ரியா, தான் ஒப்புக் கொண்ட அனைத்துப் படங்களையும் முடித்துக் கொடுத்துவிட்டாராம். கடைசியாக தன் (வருங்கால) கணவருடன் எல் ஃபார் லவ் என்ற மலையாளப் படத்தில் நடித்துள்ளார் நஸ்ரியா.