துணிவு டிரைலர் வெளியானதும் டிரெண்டான நெல்சன்.. இப்போ அண்ணா செம ஹாப்பியா இருப்பாரு!

துணிவு டிரைலர் ட்ரோல்

நடிகர் அஜித்தின் வலிமை படம் வெளியாகி சொதப்பிய நிலையில், துணிவு படத்தின் பெரும் நம்பிக்கையை அஜித் ரசிகர்கள் வைத்துள்ளனர். வித்தியாசமாகவும் புது மாதிரியாகவும் துணிவு பட டிரைலர் காட்சிகள் இருக்கும் என எதிர்பார்த்தால் ஏற்கனவே பல படங்களில் பார்த்து புளித்துப் போன காட்சிகளின் கலவையாகவே டிரைலர் இருப்பது பெரும் ஏமாற்றத்தை கொடுத்துள்ளதாக ரசிகர்கள் கமெண்ட் போட்டு வருகின்றனர்.

டிரெண்டாகும் நெல்சன்

இந்த ஆண்டு நடிகர் விஜய்யை வைத்து இயக்குநர் நெல்சன் ஒரு தரமான சம்பவம் செய்தது சர்வதேச அளவில் ட்ரோல் மெட்டீரியல் ஆனது. இந்நிலையில், அதை சரிசமம் செய்யும் அளவுக்கு ஒரு சம்பத்துடன் இயக்குநர் ஹெச் வினோத் வரவிருக்கிறார் என விஜய் ரசிகர்கள் நெல்சன் ஹாஷ்டேக்கை ட்விட்டரில் டிரெண்ட் செய்து தெறிக்கவிட்டு வருகின்றனர்.

நெல்சன் ரியாக்‌ஷன்

துணிவு படத்தின் டிரைலர் வெளியான நிலையில், அதை பார்த்த விஜய் ரசிகர்கள், இந்நேரம் இந்த டிரைலரை பார்த்து விட்டு இயக்குநர் நெல்சன் இப்படித்தான் ரியாக்‌ஷன் கொடுத்திருப்பார் என ஒரு கல் ஒரு கண்ணாடி படத்தில் உதயநிதி ஸ்டாலின் கால் மேல் கால் போட்டு உட்காரும் காட்சிகளை பதிவிட்டு வருகின்றனர்.

இரண்டும் ஒன்று தான்

இயக்குநர் நெல்சன் மற்றும் இயக்குநர் ஹெச். வினோத் இருவரும் ஒருவருக்கு ஒருவர் சளைத்தவர்கள் அல்ல என்றும் இருவருமே ஒரே ஜெராக்ஸ் தான் என மன்மதன் படத்தில் டபுள் ஆக்‌ஷனில் சிம்பு நடித்துள்ள காட்சியை பதிவிட்டு கலாய்த்து வருகின்றனர்.

இப்படித்தான் சிரிப்பார்

மகான் படத்தின் வில்லன் சிரிக்கும் காட்சியை வீடியோ க்ளிப்பாக போட்டு இந்நேரம் இயக்குநர் நெல்சன் இப்படித்தான் சந்தோஷப்பட்டு சிரித்துக் கொண்டிருப்பார் என துணிவு டிரைலரை ரக ரகமாக கலாய்த்து வருகின்றனர்.

சபாஷ் சரியான போட்டி

இப்படித்தான் தமிழ் சினிமாவின் டாப் ஹீரோக்களை இயக்குநர்கள் வச்சு செய்யணும் என ஹாஷ்டேக் நெல்சனை வேறலெவலில் டிரெண்ட் செய்து வருகின்றனர். அடுத்து வாரிசு படத்தின் டிரைலர் வந்தால் எந்த படத்தின் காப்பி என அஜித் ரசிகர்கள் எப்படி கலாய்ப்பாங்கன்னு நினைச்சி பார்த்தா தான் சிரிப்பை அடக்க முடியல என நெட்டிசன்கள் தாறுமாறு செய்து வருகின்றனர்.