தீ தளபதி பாடல் காப்பியா?..வசமாய் சிக்கிய ‘வாரிசு‘..தமனை விமர்சிக்கும் நெட்டிசன்கள்!

வாரிசு

பீஸ்ட் திரைப்படத்திற்கு பின் நடிகர் விஜய் நடிப்பில் உருவாகியுள்ள திரைப்படம் வாரிசு. இப்படத்தை தெலுங்கு திரைப்பட தயாரிப்பாளர் தில் ராஜூ தயாரித்துள்ளார். இப்படம் தமிழ், தெலுங்கு என இரண்டு மொழிகளிலும் உருவாகியுள்ளது. இப்படத்தை பொங்கல் பண்டிகைக்கு திரையரங்கில் வெளியிட படக்குழு திட்டமிட்டுள்ளது.

‘தீ தளபதி‘ வேறலெவல்

வாரிசு திரைப்படத்தின் இரண்டாவது பாடலான 'தீ தளபதி' பாடல் நேற்று வெளியானது. விஜய்க்காக சிம்பு பாடிய இந்த பாடலை விவேக் எழுதியுள்ளார். இசையமைப்பாளர் தமன் விஜய்க்காக முதன்முறையாக இசையமைத்துள்ளார். நேற்று இணையத்தில் வெளியான இந்த பாடல் வெளியான 2 மணிநேரத்திலேலே 1.7 மில்லியன் பார்வையாளர்களை கடந்து சாதனை படைத்தது.

தீ தளபதி பாடல் காப்பியா?

தீ தளபதி பாடலை விஜய் ரசிகர்கள் கொண்டாடிவரும் நேரத்தில் இந்த பாடலும் காப்பியா என கேட்டு ரசிகர்கள் ட்ரோல் செய்து வருகின்றனர். விஜய் சேதுபதி நடித்த நானும் ரவுடி தான் படத்தில் இடம்பெற்றுள்ள வரவா...வரவா என்ற பாடலை போல இருப்பதாக சிலர் கூறி வருகின்றனர். அனிருத் இசையில் இந்த பாடல் ரசிகர்களால் கொண்டாடப்பட்ட பாடலாகும். இசையமைப்பாளர் தமன் அந்த பாடலை காப்பி அடித்து தீ தளபதி பாடலை உருவாக்கியுள்ளார் என ரசிகர்கள் இணையத்தில் தமனை விளாசி வருகின்றனர்.

ரஞ்சிதமே...ரஞ்சிதமே

அதே போல, கடந்த மாதம் வெளியான ரஞ்சிதமே...ரஞ்சிதமே பாடலும் மொச்சக்கொட்ட பல்லழகி பாடலை போல இருப்பதாக கூறி ரசிகர்கள் ட்ரோல் செய்தனர். ஆனால், அந்த பாட்டு வேற, இந்த பாட்டு வேற, இது காப்பி எல்லாம் இல்லை என விஜய் ரசிகர்கள் பதிலடி கொடுத்தனர். தற்போது இரண்டாவது சிங்கிள் வெளியாகி உள்ள போதும் காப்பியா? என ட்ரோல் செய்து தமனை வம்பிழுத்து வருகின்றனர்.

கொண்டாடும் ரசிகர்கள்

தீ தளபதி பாடல் குறித்து சோஷியல் மீடியாவில் எந்த மாதிரியான விமர்சனங்கள் வந்தாலும், ரசிகர்கள் அதைப்பற்றி கவலைப்படாமல் பாடலை கொண்டாடி வருகின்றனர். ஒட்டுமொத்த விஜய் ரசிகர்களுக்கு இப்பாடல் மிகவும் பிடித்துள்ளதாகவும், படத்தில் இப்பாடல் வேற லெவலில் இருக்கும் என்றும் ரசிகர்கள் கருத்து தெரிவித்து வருகின்றனர்.