பாவனி இதுதான் உங்க போல்டான ஆட்டமா? அக்‌ஷரா போனாலும் அழுகையை விடாத பாவனி.. பங்கமாக்கும் ரசிகர்கள்!

எமோஷனல் டச்

ஆண் போட்டியாளர்களை விட அதிகமாக இந்த சீசனில் மட்டுமின்றி பல பிக் பாஸ் சீசன்களிலும் அழுகையை வைத்து எமோஷனல் டச் கொடுத்து பெண் போட்டியாளர்கள் விளையாடி வருகின்றனர் என்கிற குற்றச்சாட்டு ரசிகர்கள் மத்தியில் உள்ளது. அதிலும், இந்த சீசன் தொடங்கியதில் இருந்து 90 நாட்கள் நெருங்க உள்ள நிலையில் வரை அழுகாச்சி டிராமா அரங்கேறி வருகிறது. அக்‌ஷரா சென்ற பின்னரும் பாவனி அழுகாச்சி டிராமாவை விடவில்லை.

பாவமான முகத்துடன்

இந்த சீசன் ஆரம்பித்ததில் இருந்தே பாவமான முகத்துடன் பாவனி ஒப்பாரி வைத்தே இதுவரை சேவ் ஆகி வருகிறார் என்கிற கருத்து ஏகப்பட்ட நெட்டிசன்கள் மத்தியில் உள்ளது. பாவனி அழும் காட்சிகளை மட்டுமே அடுக்கி தனியாக ட்ரோல் வீடியோக்களை போட்டு டிரெண்டாக்கி வருகின்றனர்.

கமலிடம் சவால்

பாவனி மற்றும் அபிநய் இருவருமே சேஃப் கேம் ஆடுகிறார்கள் என ஏற்கனவே கமல் கண்டித்த நிலையில், இந்த வாரம் பாவனியை மக்கள் மூன்றாவதாக சேவ் செய்திருக்கிறார்கள் என்று சொன்னதும் சந்தோஷப்பட்ட பாவனி இந்த வாரம் பாருங்க சார் என்னோட ஆட்டத்தை என கமலிடமே சவால் விட்டு இருந்தார்.

இந்த ஆட்டம் போதுமா

ஆரம்பத்தில் காமெடி பர்ஃபார்மன்ஸ்களை பண்ணி ஏகப்பட்ட ரசிகர்களை தன் பக்கம் ஈர்த்துக் கொண்ட ராஜு கடந்த சில வாரங்களாக கேமில் அதிகளவில் ஃபோகஸ் செய்யவில்லை என்கிற குற்றச்சாட்டு எழுந்தது. அவரும், இந்த வாரம் சாகும் வரை போராடுவேன் என சொன்ன நிலையில், பாவனியின் முட்டையை தலையில் உடைத்த காட்சிகளை போட்டு ராஜு பாய் ஆர்மியினர் இந்த ஆட்டம் போதுமா என கெத்துக் காட்டி வருகின்றனர்.

Recommended Video

Pavani பிரச்சினை பற்றி Abhinay மனைவி என்ன சொன்னாங்க தெரியுமா?? | Bigg Boss Tamil, Abhinay Pavani

அழ ஆரம்பித்த பாவனி

அம்மா என் முட்டையை உடைச்சிட்டான் என சின்ன பசங்க கம்ப்ளைண்ட் பண்ணி அழுவது போல பாவனி அழுது கொண்டே செல்லும் காட்சியை இன்றைய புரமோவில் பார்த்த ரசிகர்கள் இதுதான் உங்களோட போல்டான ஆட்டமா என கலாய்த்து வருகின்றனர்.