ஐக்கி பெர்ரி இடுப்பில் கை போட்ட நிரூப்.. பிரியங்கா பார்த்தா என்னாகும்.. நெட்டிசன்ஸ் கலாய்!

பிக் பாஸ் வீட்டு பார்பி டால்

பிக் பாஸ் தமிழ் சீசன் 5ல் போட்டியாளராக கலந்து கொண்ட தஞ்சாவூரை சேர்ந்த ராப் இசை பாடகி ஐக்கி பெர்ரி கடைசி வரை நிகழ்ச்சியில் தொடர்வார் என ரசிகர்கள் நினைத்த நிலையில், அந்த பொம்மை டாஸ்க்குக்கு பிறகு எவிக்ட் ஆகி வெளியேறினார். கிராண்ட் ஃபினாலே நிகழ்ச்சியில் பார்பி டால் போல வந்திருந்த அவரை பார்த்து கமல் சாரும் ஜாலியாக தலையில் ஃபேன் இருக்கு என கிண்டல் செய்திருந்தார்.

இடுப்பில் கை

பிக் பாஸ் பிரபலங்கள் அனைவரும் நிகழ்ச்சி முடிந்து வெளியே வந்த நிலையில் ஒருவரை ஒருவர் சந்தித்து வருகின்றனர். இந்நிலையில், ஐக்கி பெர்ரியை நிரூப் சந்தித்த புகைப்படத்தை ஐக்கி பெர்ரி தனது இன்ஸ்டாகிராம் பக்கத்தில் ஷேர் செய்துள்ளார். அந்த புகைப்படத்தில் ஐக்கியின் இடுப்பில் நிரூப் கை போட்டு நிற்பதை பார்த்த ரசிகர்கள் கலாய்த்து வருகின்றனர்.

பிரியங்கா பார்வையில்

பிக் பாஸ் 5வது சீசனில் ஆரம்பத்தில் இருந்தே நிரூப் மற்றும் பிரியங்கா ஒரு டீமாக செயல்பட்டு வந்தனர். அபிஷேக் ராஜா பிரியங்காவுடன் பழகுவதை பார்த்து பொறாமைப்பட்ட நிரூப் மீண்டும் அவர் ரீ என்ட்ரி கொடுத்த போதும் கடுப்பானார். அதே சமயம் ஐக்கி உடன் சேர்ந்து பொம்மை டாஸ்க்கில் நிரூப் விளையாடியது பிரியங்காவுக்கு பிடிக்கவில்லை. இந்நிலையில், இந்த புகைப்படத்தை பார்த்த ரசிகர்கள் பிரியங்கா பார்த்துட போறாங்க என ஐக்கியை எச்சரித்து வருகின்றனர்.

பிரியங்காவை கட்டிப்பிடித்து

அதே சமயம் பிரியங்காவை கட்டிப்பிடித்து ஐக்கி பெர்ரி இருக்கும் புகைப்படத்தையும் அவர் ஷேர் செய்துள்ளார். பிக் பாஸ் நிகழ்ச்சியில் கட்டிப் பிடிப்பதற்கு எதிரான ஒரு பஞ்சாயத்தே இருவருக்கும் இடையே நடந்த நிலையில், தற்போது பிரியங்காவை இப்படி கட்டிப்பிடித்து நிக்கிறீங்களே என்றும் நெட்டிசன்கள் ஐக்கியிடம் கேள்விகளை எழுப்பி வருகின்றனர்.

ராஜு மற்றும் சிபியுடன்

மேலும், பிக் பாஸ் டைட்டில் வின்னர் ராஜு மற்றும் ரூ. 12 லட்சம் பெட்டியுடன் ஸ்மார்ட்டாக எஸ்கேப் ஆன சிபியுடன் இருக்கும் புதிய புகைப்படத்தையும் ஐக்கி பெர்ரி தனது இன்ஸ்டாகிராம் பக்கத்தில் ஷேர் செய்து ரசிகர்களிடம் லைக்குகளை அள்ளி வருகிறார். எல்லோரும் ஒன்றாக இருப்பதை பார்த்த ரசிகர்கள் என்ன அடுத்த நிகழ்ச்சியா? என்கிற கேள்வியையும் எழுப்பி வருகின்றனர்.