கடைசியா ஒரு தடவை கூட ரமேஷை கட்டிப்பிடிக்க விடாமல் பண்ணிட்டாரே கமல்.. கலாய்க்கும் ரசிகர்கள்!

அழுகாச்சிக்கு நேரமில்லை

"இந்த eviction ரொம்ப நல்லது, அழுகாச்சிக்கு நேரமில்லை, அன்பு நாடகத்தை பார்க்க நேரமில்லை! என கமல் சாரின் முடிவை பிக் பாஸ் ரசிகர்கள் வரவேற்று வருகின்றனர். ஜித்தன் ரமேஷ் வெளியேறும் பட்சத்தில் அன்பு கேங் ரொம்பவே அழுது சீன் போடுவார்கள் என்றும் கமெண்டுகள் குவிகின்றன.

ஜித்தன் ரமேஷாகவே

ஜித்தன் ரமேஷ் என்கிற பெயரை மாற்ற வேண்டும் என பிக் பாஸ் வீட்டுக்கு வந்த ரமேஷ், கடைசி வரை ரசிகராக இருந்து ஜித்தன் ரமேஷாகவே விடைபெறுகிறார் என்றே ஏகப்பட்ட ரசிகர்கள் கமெண்ட்டுகளை தெறிக்கவிட்டு வருகின்றனர். கொடுக்கப்பட்ட வாய்ப்புகளை ஜித்தன் ரமேஷ் தவறவிட்டார் என்றும் குற்றம்சாட்டி வருகின்றனர்.

கேங்கா ஆப்பு

குரூபிசம் பண்ணாதீங்கன்னு கமல் சார் எவ்ளோ சொல்லியும் கேட்காமல், அர்ச்சனா குரூப்பை பாதுகாத்து வருகிறார் என்கிற குற்றச்சாட்டு தொடர்கிறது. அந்த குரூப்பில் உள்ள நிஷா, ஜித்தன் ரமேஷ் மற்றும் சோமசேகருக்கு இன்றைய எபிசோடில் கமல் வேட்டு வைக்கப் போவது அந்த குரூப்புக்கே வைக்கும் கேங் ஆப்பு என்று ட்ரோல் செய்துள்ளார் இந்த நெட்டிசன்.

இதைத்தான் மிஸ் பண்ணுவாரு

பிக் பாஸ் வீட்டில் எதை ரொம்ப மிஸ் பண்றீங்க என ஜித்தன் ரமேஷிடம் கமல் கேட்டால், அர்ச்சனா அக்காவின் அந்த ஹெட் மசாஜை தான் ரொம்பவே மிஸ் பண்ணுவேன் பிக் பாஸ் என ரமேஷ் சொல்வது போல ட்ரோல் போட்டு பங்கம் பண்ணி வருகின்றனர்.

அர்ச்சனாவால் கட்டிப்பிடிக்க முடியாது

ஜித்தன் ரமேஷை அப்படியே கன்ஃபெஷன் ரூமில் இருந்து வெளியேற்றினால், அர்ச்சனா மற்றும் நிஷாவால் கட்டிப்பிடித்து அழ முடியாது. தேவையில்லாமல், அன்பு கேங் போடும் சீன் இருக்காது. இது நல்ல எவிக்‌ஷன் என்று ஏகப்பட்ட பிக் பாஸ் ரசிகர்கள் ஒட்டுமொத்தமாக அர்ச்சனா கேங்கை டார்கெட் பண்ணி அடித்து வருகின்றனர்.