புது முல்லை வந்தாச்சு? வைரலாகும் பாண்டியன் ஸ்டோர்ஸ் சீன்.. சித்துவை மறந்து காவ்யாவை ரசிப்பார்களா?

பிரபலப்படுத்திய முல்லை

விஜே சித்துவாக இருந்த சின்னத்திரை நடிகை சித்ராவை விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியலில் இடம்பெற்றுள்ள முல்லை கதாபாத்திரம் ரசிகர்கள் மத்தியில் மிகப்பெரிய வரவேற்பை கொடுத்து பிரபலப்படுத்தியது. சித்ராவின் மரணத்தில் கூட பலரும் முல்லை இறந்து விட்டதாகவே பதிவுகளை இட்டு வந்தனர். முல்லை ஹாஷ்டேக்கும் டிரெண்டானது குறிப்பிடத்தக்கது.

முல்லை கதாபாத்திரம் வேண்டாம்

முல்லையாக இதுவரை சித்ராவை பார்த்து வந்த ரசிகர்கள், அவரது திடீர் மரணத்தால் மிகவும் அதிர்ச்சி அடைந்துள்ளனர். மேலும், பாண்டியன் ஸ்டோர்ஸ் சீரியலில் முல்லை கதாபாத்திரத்தை முடித்து விடுங்கள் என ஏகப்பட்ட ரசிகர்கள் கோரிக்கை வைத்து வந்தனர். ஆனால், கதையின் படி முல்லை கதாபாத்திரம் மிகவும் முக்கியமானது என்பதால் வேறு ஒரு நடிகையை நடிக்க வைக்க பாண்டியன் ஸ்டோர்ஸ் குழு தீவிரம் காட்டியது.

புது முல்லை

சீரியல்களில், இனி இவருக்கு பதில் இவர் என போடுவது காலங்காலமாக நடந்து வருகிறது. சிலர் அந்த சீரியலை விட்டு வேறு பணிகளுக்கோ அல்லது உடல் நலக் குறைவு காரணமாகவோ மாற்றப்படுவார்கள். சின்னத்திரை நடிகை சித்ரா தூக்கிட்டுத் தற்கொலை செய்து கொண்ட நிலையில், இனி அவர் நடித்து வந்த முல்லை கதாபாத்திரத்தில் சின்னத்திரை நடிகை காவ்யா அறிவுமணி தான் நடிக்க உள்ளார் என்பது உறுதியாகி உள்ளது.

முல்லை ஃபர்ஸ்ட் லுக்

டிசம்பர் 23ம் தேதியுடன் சித்ரா முல்லையாக நடித்த காட்சிகள் நிறைவடைந்த நிலையில், புது முல்லையாக நடிகை காவ்யா அறிவுமணியை இன்றைய நிகழ்ச்சியில் விஜய் டிவி அறிமுகப்படுத்த உள்ளது. இந்நிலையில், தற்போது விஜய் டிவியின் ட்விட்டர் பக்கத்தில் காவ்யா அறிவுமணியை புது முல்லையாக அறிவித்து, அவரது ஃபர்ஸ்ட் லுக்கை வெளியிட்டு வைரலாக்கி உள்ளனர்.

மறக்க முடியவில்லையே

பாண்டியன் ஸ்டோர்ஸில் முல்லையாக நடித்துள்ள காவ்யா அறிவுமணியின் வீடியோ காட்சிகள் இன்ஸ்டாகிராமில் கசிந்து வைரலாகி வருகிறது. புது முல்லையை பார்க்கும் போது ரசிகர்களுக்கு மீண்டும் மீண்டும் சித்ராவின் நினைவுகளே வருவதாகவும், அவரது நினைவை அவ்வளவு எளிதில் மறக்க முடியவில்லையே என நெட்டிசன்கள் உருக்கமாக பதிவுகளை இட்டு வருகின்றனர்.

பாரதி கண்ணம்மா நடிகை

விஜய் டிவியில் பிரபலமாக ஓடி வரும் பாரதி கண்ணம்மா சீரியலில் நடித்து வந்த சின்னத்திரை நடிகை காவ்யா அறிவுமணி தான் தற்போது மறைந்த சித்ராவுக்கு பதிலாக முல்லை கதாபாத்திரத்தில் ஏற்று நடித்து வருகிறார். காவ்யா அறிவுமணியின் இன்ஸ்டாகிராம் பக்கத்தை தற்போது ரசிகர்கள் வேகமாக ஃபாலோ செய்து வருகின்றனர்.