twitter
    For Quick Alerts
    ALLOW NOTIFICATIONS  
    For Daily Alerts

    சீன் முடிறதுக்குள்ள சீன் போட கூடாது.. விஸ்வாசம் டிரெண்டிங்கில் திடீர் பல்டி அடித்த ட்விட்டர்?

    |

    Recommended Video

    2019-ம் ஆண்டின் செல்வாக்கு மிகுந்த ஹேஷ்டேக் விஸ்வாசம் !

    சென்னை: 2019ம் ஆண்டு இந்தியளவில் விஸ்வாசம் ஹேஷ்டேக் தான் முதலிடம் பிடித்திருக்கிறது என்ற செய்தி விஜய் ரசிகர்களை மிகவும் வேதனையடைய செய்தது.

    ஆனால், திடீரென, இது வெறும் டிரைலர் தான் மெயின் பிக்சர் இந்த ஆண்டு இறுதிக்குத்தான் வெளியாகும் என்று புள்ளிங்கோக்களை மீண்டும் ஃபுல் ஃபார்மிக்கு கொண்டு வந்துள்ளது ட்விட்டர் இந்தியா.

    இந்த செய்தியை கேட்ட விஜய் ரசிகர்கள், அதுக்குத்தான் சீன் முடிறதுக்குள்ள சீன் போட கூடாது என அஜித் ரசிகர்களிடம் மீண்டும் ட்விட்டர் போர் நடத்தத் தொடங்கி விட்டனர்.

    நீண்ட நாள் காதல்.. சத்தமில்லாமல் திருமணம் செய்து கொண்ட விஜய் டிவி ஜோடி.. அப்ப அடுத்த அவங்க தானா!நீண்ட நாள் காதல்.. சத்தமில்லாமல் திருமணம் செய்து கொண்ட விஜய் டிவி ஜோடி.. அப்ப அடுத்த அவங்க தானா!

    யாருக்கு லாபம்

    இந்தியளவில் பாலிவுட் நடிகர்களுக்கு இருக்கும் ரசிகர்களை விட கோலிவுட்டில் அஜித் மற்றும் விஜய்க்குத்தான் சமூக வலைதளங்களில் அதிகளவில் ரசிகர்கள் உள்ளனர். இந்த ரசிகர்களின் சண்டையை பயன்படுத்திக் கொண்டு தான் சமூக வலைதளங்கள் தங்களுக்கான லாபத்தை ஈட்டி வருகிறது. அதிலும், ட்விட்டர் டிரெண்டிங் என்ற ஒன்றை உருவாக்கி ஹேஷ்டேகுகள் மூலம் அதிகளவில் கல்லா கட்டி வருகிறது.

    யார் ஜெயிப்பா?

    மேலும், இந்த ரசிகர்களின் சண்டையை தூண்டி விடும் வகையில் ட்விட்டர் இந்தியா ஒரு கருத்துக் கணிப்பையும் தொடங்கி உள்ளது. அதில், இந்த ஆண்டு ட்விட்டர் இந்தியா லிஸ்ட்டில் முதலிடத்தை எந்த ஹேஷ்டேக் பிடிக்கும் என்று கேட்டுள்ளது. அதில், விஜய்யின் பிகில், அஜித்தின் விஸ்வாசம், சூர்யாவின் என்.ஜி.கே உள்ளிட்ட ஹேஷ்டேகுகள் இடம்பெற்றுள்ளன.

    விஸ்வாசம் ஹேஷ்டேக் செய்தியை அறிந்து நேற்று முதல் கடுப்பில் இருந்த விஜய் ரசிகர்கள் தாங்கள் தான் ஜெயிக்க வேண்டும் என்று இதுவரை 46% பேர் பிகில் ஹேஷ்டேகுக்கும், 40% பேர் விஸ்வாசம் ஹேஷ்டேகுக்கும், 11% பேர் என்.ஜி.கே. ஹேஷ்டேகுக்கும் வாக்களித்து வருகின்றனர்.

    என்னடா அங்க சத்தம்

    ஆண்டு இறுதி அறிக்கை இனிமேல் தான் வெளியாகும் என்ற ட்விட்டர் இந்தியா அறிவித்துள்ள நிலையில், நிச்சயம் விஜய்யின் பிகில் ஹேஷ்டேக் தான் நம்பர் ஒன் இடத்தை பிடிக்கும் என்று விஜய் ரசிகர்கள் கொண்டாடி வருகின்றனர். மேலும், 'என்னடா அங்க சத்தம், தன்னாலே வெளி வரும் தயங்காதே தலைவன் இருக்கிறான் மயங்காதே', என பதிவிட்டு அஜித் ரசிகர்களை கலாய்த்து வருகின்றனர்.

    24 மில்லியன்

    விஸ்வாசம் ஹேஷ்டேக் 13 மாதங்களில் 15 மில்லியன் ட்வீட்களையும், மகரிஷி 13 மாதங்களில் 4.5 மில்லியன் ட்வீட்களையும், சாஹோ 13 மாதங்களில் 3.4 மில்லியன் ட்வீட்களையும் பெற்றுள்ளதாகவும், ஆனால், விஜய்யின் பிகில் வெறும் 4 மாதங்களில் 24 மில்லியன் ட்வீட்களை பெற்றுள்ளதாக இந்த ரசிகர் ட்வீட் போட்டுள்ளார்.

    English summary
    Recently, in their official Twitter account, Sathya Jyothi Films posted a picture that showed that 'Viswasam' topped the list of the most influential moments of Twitter India.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X