»   »  மிஷ்கின்... ஒரு கதையையாவது இந்த மக்களுக்காக எழுதிவிட்டு, பேச வாங்க! - அடுத்த அட்டாக்

மிஷ்கின்... ஒரு கதையையாவது இந்த மக்களுக்காக எழுதிவிட்டு, பேச வாங்க! - அடுத்த அட்டாக்

Posted By:
Subscribe to Oneindia Tamil

விஷால் அணியினருக்கு அடுத்தடுத்து அதிரடிக் கேள்விகளை எழுப்பி வருகிறார்கள் ராதாகிருஷ்ணன் தலைமையிலான முன்னேற்ற அணியினர்.

ஏற்கெனவே முன்னேற்ற அணியின் இயக்குநர் சேரன், விஷாலை ஒரு வெளு வெளுத்திருந்தார், பகிரங்க கடிதம் ஒன்றில்.

Next open letter to Director Mysskin

இப்போது விஷால் அணியில் பொதுச் செயலாளர் பதவிக்குப் போட்டியிடும் இயக்குநர் மிஷ்கின்.

அவருக்கு முன்னேற்ற அணியின் துணைத் தலைவர் வேட்பாளர் சுரேஷ் காமாட்சி விடுத்துள்ள கேள்விகள் சில...

"உலக சினிமாவை மட்டுமே இயக்கும் இயக்குநர் மிஸ்கின் அவர்களுக்கு,

நான் 'உலக சினிமா' என்று சொன்னதற்கு அர்த்தம் புரிந்திருக்குமே உங்களுக்கு.. ஒன்று டிவிடி இல்லைன்னா உலகப்புத்தகம் இதுதானே உங்கள் சினிமா அறிவு?

எங்கே சேரன் மாதிரி இந்த மண்ணுக்காக நீங்கள் எடுத்த படம் எதுன்னு சொல்லுங்க பார்ப்போம்? இயக்குநர் சேரனைப்போல இந்த மக்களின் உணர்வைப் படம்பிடிக்கும் ஒரு காட்சியையாவது இந்த மண்ணிற்காகவும் இந்த மக்களுக்காகவும் எடுத்துவிட்டுப் பேசுங்கள் உலக இயக்குநரே!

தயவுசெய்து ஒருவரைப் பற்றி பேசும் முன் அவர் யார்? அவர் என்ன செய்திருக்கிறார்? நாம் என்ன செய்திருக்கிறோம்? என்பதை உணர்ந்து பேச வேண்டும். தயாரிப்பாளர் சங்கத்தில் போட்டி போடுவதால் மட்டும் தயாரிப்பாளர் நலனில் நீங்கள் அக்கறையுள்ளவர் என்று எப்படி சொல்ல முடியும்?

எந்த தயாரிப்பாளரை நீங்கள் இயக்கிய படங்களின் மூலம் காப்பாற்றியிருக்கிறீர்கள்? ஐந்து கோடி முதல் பிரதி என ஒப்பந்தம் செய்து எட்டு கோடிவரை இழுத்து விட்டு பஞ்சாயத்து பண்ணியது நினைவில்லையோ?

தனஞ்செயன் பட்ஜெட்டை இழுத்துப் பிடித்த போது கோபத்தில் செல்போனை உடைத்ததெல்லாம் செய்தியாக வந்ததே? மறந்துபோனதா அய்யா?

செயலாளர் பதவிக்கு வரணும்னா அட்லீஸ்ட் தயாரிப்பாளர் சங்கத்தின் முகவரியாவது தெரிந்திருக்க வேண்டுமே.. கூட்டிக்கழிச்சிப் பாருங்க ஒரு பத்து முறை தயாரிப்பாளர் சங்கம் பக்கம் வந்திருப்பீங்களா? அதிலும் ஐந்து முறை உங்க மேல வந்த பஞ்சாயத்துக்காக வந்திருப்பீங்க. நீங்களெல்லாம் செயலாளர்? அந்தப் பதவி என்ன வரைமுறைக்குட்பட்டது என்பதுகூட தெரியாத நீங்கள் ஆளில்லாத குறைக்கு துப்பறிவாளன் ஷூட்டிங் ஸ்பாட்டில் விஷால் ஏத்திவிட்டதை நம்பி போட்டிபோட வந்துட்டீங்க.

விஷால் இராத்திரியும் பகலுமா உழைக்கிறார்.. சரி! நாங்க என்ன ஐஸ் சப்பிக்கிட்டா திரியறோம்? அவரின் நோக்கம் ஆட்டைக் கடிச்சி மாட்டைக் கடிச்சி மனுசனைக் கடிக்கிற நோக்கம். அதுக்காக அவர் எங்கள் சங்க நலனுக்காகவும் எங்கள் உறுப்பினர் நலனுக்காகவும் இரவும் பகலுமா உழைக்கிறார்னு அண்டப் புளுகு புளுகாதீங்க. அட நடிகர் சங்கத்துக்காக உழைச்சார்னு சொல்லிடாதீங்க. நடிகர் சங்க ஆட்கள் அடிக்க வந்துரப்போறாங்க.

கண்ணாடியை கழட்டிட்டுப் பாருங்க. இந்த உலகம் பளீச்சுன்னு தெரியும். நீங்க இந்த உலகத்தை பளீரென பார்க்கக்கூடாதுங்கிறதுக்காக இருட்டாவே வச்சிக்கிட்டு திரியற ஆளு.

ஏதோ உலகப் படத்தைப் பார்த்தோமா? பாவனா மாதிரி யாரையாவது ஹீரோயினாகப் போட்டோமா? விஷால் மாதிரி ஏதாவது ஹீரோக்கள் காலில் விழுந்து கால்ஷீட் வாங்கினோமான்னு காலத்தை ஓட்டுங்க.

சேரன் எங்கள் சினிமாவின் சொத்து. தமிழர்களின் உணர்வுமொழி அவர். அவர் பற்றிப் பேச அருகதையற்றவர்கள் நீங்கள்.

தயவுசெய்து போட்டியிட்டோமா ஓட்டுப்பிச்சை எடுத்தோமா? அடுத்தவன் காசுல தயாரிப்பாளரானோமான்னு போய்க்கிட்டே இருங்க.

திருட்டு விசிடி உட்பட மத்ததை உண்மையாவே காசு போட்டு படம் எடுக்கிற நாங்க பார்த்துக்கிறோம்!

நிறைவாக, ஒரே ஒரு வேண்டுகோள்!

சொந்தமா யோசிச்சு சிந்திச்சு மூளையைக் கசக்கி ஒரே ஒரு கதை எழுதிட்டு வாங்கம்மா. மத்ததை அப்புறம் வச்சுக்கலாம்.

-சுரேஷ் காமாட்சி

தயாரிப்பாளர் - இயக்குநர்

English summary
Next open letter to Director Mysskin Suresh Kamatchi, Vice President candidate in Vishal's team has raised many questions to director Mysskin.
Please Wait while comments are loading...

Tamil Photos

Go to : More Photos

சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil