2 நாளில் இத்தனை கோடி வசூலா?: கடவுள் இருக்கான் நந்த கோபாலன் குமாரு #NGK

செல்வராகவன்

என்.ஜி.கே. படம் அனைவருக்கும் பிடிக்கவில்லை என்று கூற முடியாது. படத்தை பார்த்துவிட்டு இதை 10 ஆண்டுகள் கழித்தும் கொண்டாடுவார்கள் என்று கூறியவர்கள் பலர். திரையுலக பிரபலங்கள் எல்லாம் என்.ஜி.கே. வேற லெவல் என்றார்கள். தன் படத்திற்கு அமோக ஆதரவு அளித்த அனைவருக்கும் நன்றி தெரிவித்து ட்வீட் போட்டுள்ளார் செல்ராகவன்.

வசூல்

என்.ஜி.கே. படத்தை பார்த்தவர்கள் அதை கழுவிக் கழுவி ஊத்தியபோதிலும் அதன் வசூல் பாதிக்கப்படவில்லை. சென்னை பாக்ஸ் ஆபீஸில் தரமான சம்பவம் செய்து கொண்டிருக்கிறது என்.ஜி.கே. அந்த படம் ரிலீஸான அன்று ரூ. 1.03 கோடியும், நேற்று ரூ. 1.07 கோடியும் வசூலித்துள்ளது. சென்னை பாக்ஸ் ஆபீஸில் மட்டும் தினமும் ரூ. 1 கோடி வசூலிப்பது சாதாரண விஷயம் இல்லை.

அமெரிக்கா

என்.ஜி.கே. படம் தமிழகத்தில் மட்டும் அல்ல அமெரிக்காவிலும் நன்றாக ஓடிக் கொண்டிருக்கிறது. படம் ரிலீஸான இரண்டே நாட்களில் அமெரிக்காவில் மட்டும் ரூ. 81 லட்சத்து 37 ஆயிரத்து 371 வசூல் செய்துள்ளது. இன்று ஞாயிற்றுக்கிழமை என்பதால் என்.ஜி.கே. படம் பார்க்க தியேட்டருக்கு செல்வோரின் எண்ணிக்கை அதிகரிக்கும் என்று எதிர்பார்க்கப்படுகிறது.

ஷாருக்கான் ராசி

அது என்ன சூர்யாவுக்கு ஷாருக்கான் ராசி என்று நினைக்கலாம். பாலிவுட் நடிகர் ஷாருக்கானின் படங்கள் வெளியாகும் போது அதை விமர்சகர்கள் கழுவிக் கழுவி ஊத்துவார்கள். ஆனால் ரசிகர்களோ தியேட்டர்களுக்கு படையெடுத்து அதை ஹிட்டாக வைத்துவிடுவார்கள். அந்த ராசி தான் தற்போது சூர்யாவுக்கு ஒர்க்அவுட் ஆகிக் கொண்டிருக்கிறது. சும்மாவா, இது தானா சேர்ந்த கூட்டமாச்சே. கடவுள் இருக்கான் நந்த கோபாலன் குமாரு.