இன்று முதல் இரவு நேர ஊரடங்கு.. தமிழகத்தில் திரையரங்குகளில் இரவு காட்சிகள் ரத்து!

கட்டுப்பாடுகள்

தமிழகத்திலும் கொரோனா தொற்று அதிவேகமாக பரவி வருகிறது. இதனை முன்னிட்டு தடுப்பு நடவடிக்கையாக தமிழக அரசு பல்வேறு கட்டுப்பாடுகளை விதித்து வருகிறது.

இரவு நேர ஊரடங்கு

அதன்படி தமிழகத்தில் இன்று முதல் இரவு நேர ஊரடங்கு அமல் படுத்தப்படவுள்ளது. இரவு 10 மணி முதல் காலை 4 மணி வரை ஊரடங்கு நடைமுறைப்படுத்தப்படவுள்ளது. இதனை முன்னிட்டு பேருந்துகள் இயக்கம், கடைகள் திறப்பு உள்ளிட்டவற்றிலும் மாற்றம் செய்யப்பட்டுள்ளது.

இரவு காட்சி ரத்து

இந்நிலையில் இரவுநேர ஊரடங்கை முன்னிட்டு தமிழகத்தில் இன்று முதல் திரையரங்குகளில் இரவு நேரக் காட்சி ரத்து செய்யப்பட உள்ளதாக அறிவிக்கப்பட்டுள்ளது. திரையரங்கு உரிமையாளர்கள் சங்கத்தினர் வீடியோ கான்ஃபிரன்ஸிங் மூலம் ஆலோசனை நடத்தினர்.

நேரம் மாற்றம்

அதன் அடிப்படையில் அடுத்த 10 நாட்களுக்கு திரையரங்குகளில் படங்கள் திரையிடும் நேரத்தை மாற்ற திரையரங்கு உரிமையாளர்கள் முடிவு செய்துள்ளனர். மேலும் இரவு காட்சிகளை ரத்து செய்யவும் முடிவு செய்யப்பட்டுள்ளது.