வசூல் கோட்டையில் சிக்கல்.. பின் வாங்கும் விநியோகஸ்தர்கள்.. புதிய பிரச்சினையில் பிகில் ரிலீஸ் !

புதிய பிரச்சினை

இந்நிலையில் பிகில் படத்திற்கு மேலும் ஒரு பிரச்சினை ஏற்பட்டுள்ளது. கேரளாவில் அதிக ரசிகர்களை கொண்ட தமிழ் நடிகர் விஜய். கடந்த ஆண்டு வெளியான அவரது சர்க்கார் திரைப்படம் கேரளாவில் வசூல் மழை பொழிந்தது.

கேரள விநியோகம்

ஆனால் பிகில் படத்தை வாங்க கேரள விநியோகஸ்தர்கள் தயாராக இல்லை என கூறப்படுகிறது. பிகில் திரைப்படத்தின் தயாரிப்பாளர்கள் கேரள விநியோக உரிமையை மினிமம் கேரண்டி அடிப்படையில் விற்க நினைக்கின்றனர். அப்படி வாங்கினால் தங்களுக்கு நஷ்டம் ஏற்படும் என விநியோகஸ்தர்கள் கருதுகின்றனர். ஏனென்றால் சர்க்கார் படத்துக்கு அதே நிலை தான் ஏற்பட்டது.

நீடிக்கும் சிக்கல்

இதனால் கேரள விநியோக உரிமை முடிவாவதில் சிக்கல் நீடிக்கிறது. ஆனால் கேரள தியேட்டர் உரிமையாளர்கள் பிகில் படத்தை திரையிடுவதில் ஆர்வமாக உள்ளனர். காரணம் விஜய்க்கு அங்கிருக்கும் வர்த்தகம்.

பிகில் பட்ஜெட்

பிகில் திரைப்படம் அதிக பொருட்செலவில் உருவாகியுள்ளது. கிட்டதட்ட ரூ.180 கோடி அளவுக்கு ஏஜிஎஸ் நிறுவனம் செலவு செய்துள்ளது. இந்த பணத்தை எப்படியும் எடுத்துவிட முடியும் என்ற நம்பிக்கையில் தயாரிப்பாளர்கள் இருக்கிறார்கள். இந்த வார இறுதியில் படத்தின் வர்த்தகம் சுமூகமாக முடிந்துவிடும் என அவர்கள் எதிர்பார்க்கிறார்கள்.

பிகில் டிரெய்லர்

இதற்கிடையே பிகில் திரைப்படத்தின் டிரெய்லர் நாளை மறுதினம் மாலை 6 மணிக்கு வெளியாக உள்ளது. டிரெய்லரை டிரெண்டிங்காக்க விஜய் ரசிகர்கள் இப்போதே தயாராகி வருகின்றனர். டிரெய்லர் மட்டுமல்லாமல் படத்துக்கும் அதிக எதிர்பார்ப்பு நிலவுவது குறிப்பிடத்தக்கது.