விஜய் படத்தில் காமெடிப் பட்டாளமே இருக்கு... ஆனால் முன்னணி காமெடியன்களுக்கு இடமில்லை!

சிம்பு தேவன் இயக்கத்தில் விஜய் நடிக்கும் புதுமையான படத்தில் ஒரு காமெடிப் பட்டாளமே களமிறக்கப்பட்டுள்ளது.

ஆனால் வடிவேலு, சந்தானம், சூரி போன்ற முன்னணி காமெடி நடிகர்கள் ஒருவர் கூட இடம்பெறவில்லை.

இந்தப் படத்தில் தம்பி ராமையா, சத்யனா், ரோபோ சங்கர், இமான் அண்ணாச்சி போன்றவர்கள் நகைச்சுவைக்காக ஒப்பந்தம் செய்யப்பட்டுள்ளனர். நீதானே என் பொன் வசந்தம் படத்தில் நடித்த வித்யுலேகா (சந்தானம் ஜோடி) இந்தப் படத்தின் பெண் நகைச்சுவை நடிகையாக சேர்க்கப்பட்டுள்ளார்.

பொதுவாக விஜய் படங்களில் யாராவது ஒரு முன்னணி காமெடி நடிகர் அவருடன் கைகோர்ப்பார். ஆனால் இந்தப் படத்தில் அப்படி யாரும் இணையவில்லை.

சந்தானம், வடிவேலு என இரண்டு முன்னணி நடிகர்களுடனுமே இயக்குநர் சிம்பு தேவனுக்கு சரியான உறவில்லை என்பதால்தான் இந்த நிலை என்கிறார்கள்.