Don't Miss!
- Lifestyle தக்காளி சட்னி செய்யும் போது இந்த ஒரு பொருளை மட்டும் அதிகமா சேர்த்துக்கோங்க.. டேஸ்ட் சூப்பரா இருக்கும்..
- News தஞ்சை பெரிய கோயில் தேரோட்டம்.. தஞ்சாவூர் மாவட்டம் முழுக்க இன்று பள்ளி, கல்லூரிகளுக்கு இன்று விடுமுறை
- Sports மொத்த பேட்டிங் ஆர்டரும் மாறிப்போச்சு.. ருதுராஜ் செய்த சொதப்பல்.. சிஎஸ்கே தோல்விக்கு காரணம் என்ன?
- Automobiles பைக் கவரின் விலை ரூ.16 ஆயிரமா... எதில் தயாரித்து கொடுப்பார்கள் என்று தெரியலயே!! பைக்குடன் இதெல்லாம் கிடைக்கும்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
'கடவுள் இருக்கான் குமாரு'.. ஆனால் கையில் 'பாட்டில்' இல்லையாமே குமாரு... ஆச்சர்யம், ஆனால் உண்மை!
சென்னை: ஜி.வி.பிரகாஷ் நாயகனாக நடித்துள்ள கடவுள் இருக்கான் குமாரு படத்தில் டாஸ்மாக் காட்சிகளே கிடையாது என நம்ப முடியாத தகவலைத் தெரிவித்துள்ளார் அதன் இயக்குநர் ராஜேஷ்.
நகைச்சுவைப் படங்களுக்கு பேர் போனவர் இயக்குநர் ராஜேஷ். இவரது சிவா மனசுல சக்தி, பாஸ் என்கிற பாஸ்கரன், ஒரு கல் ஒரு கண்ணாடி, வாசுவும் சரவணனனும் ஒண்ணாப் படிச்சவங்க போன்ற படங்கள் காமெடிக்கு பேர் போனவை.
ஆனால், இவரது படத்தில் காமெடிக்கு எவ்வளவு முக்கியத்துவம் இருக்குமோ, அதே அளவுக்கு மது குடிக்கும் காட்சிகளும் இடம் பெற்றிருக்கும்.
கடவுள் இருக்கான் குமாரு...
இந்நிலையில், தற்போது ஜி.வி.பிரகாஷை நாயகனாக்கி ‘கடவுள் இருக்கான் குமாரு' என்ற படத்தை இயக்கி வருகிறார் ராஜேஷ். இப்படத்தில் ஜி.வி.பிரகாஷ், ஆனந்தி, நிக்கி கல்ராணி, ஆர்.ஜே.பாலாஜி, பிரகாஷ்ராஜ் உள்ளிட்ட பலர் நடித்துள்ளனர்.
இசை...
சக்தி சரவணன் ஒளிப்பதிவு செய்திருக்கும் இப்படத்துக்கு ஜி.வி.பிரகாஷ் இசையமைத்திருக்கிறார். அம்மா கிரியேஷன்ஸ் சிவா தயாரித்திருக்கிறார்.
டாஸ்மாக் காட்சிகளே நோ...
இப்படம் முழுக்க பயணத்திலேயே அமைந்திருக்கும் கதையாம். சென்னை கிழக்கு கடற்கரை சாலையில் தொடங்கும் படம், பாண்டிச்சேரி, கோவா என பயணிக்கிறதாம். சரக்கிற்குப் பேர் போன பாண்டிச்சேரி, கோவா போன்ற பகுதிகளில் நடைபெறுவது போன்ற காட்சிகள் இடம்பெற்றுள்ள போதும் படத்தில் டாஸ்மாக் காட்சிகளே இல்லையாம்.
இறுதிகட்ட பணிகள்...
இது குறித்து இயக்குநர் ராஜேஷ் கூறுகையில், "என்னுடைய முந்தைய படங்களில் இடம் பெற்ற டாஸ்மாக் காட்சிகள் ஏதும் இப்படத்தில் இருக்காது. என்னுடைய முந்தைய படங்களை போல் இப்படமும் 'யு' சான்றிதழ் படமாக இருக்கும். படத்தின் இறுதிகட்ட பணிகள் வேகமாக நடைபெற்று வருகிறது" எனத் தெரிவித்துள்ளார்.
|
தீபாவளி ரிலீஸ்...
இப்படம் தீபாவளிக்கு ரிலீசாக இருக்கிறது. இதனை தனது டிவிட்டர் பக்கத்தில் ராஜேஷ் உறுதி செய்துள்ளார். படத்தின் பர்ஸ்ட் லுக் போஸ்டரைப் பார்க்கும் போதே நிச்சயம் இப்படமும் காமெடி விருந்து வைக்கும் என நம்பலாம்.