டான்ஸ் ஆடி மயங்கினால் உறவு கொண்டால் சரியாய்டும்.. 'மாதவன்' தரும் புது ட்ரீட்மென்ட்!!

விரட்டி விரட்டி

ஹீரோ அஸ்வின், ஹீரோயின் நீரஜாவைக் காதலிக்கிறார். சும்மா இல்லை, விரட்டி விரட்டி.. ஆனால் நீரஜாவோ அஸ்வினைக் கண்டு கொள்வதே இல்லையாம். இருந்தாலும் விடாமல் விரட்டித் தொடர்கிறாராம் அஸ்வின்.

நிற்க...

இங்குதான் 2வது ஹீரோயின் சிஜாரோஸ் என்ட்ரி கொடுக்கிறார். அவர் ஒரு நடன மாஸ்டர். அவரிடம் நீரஜா டான்ஸ் கற்க சேருகிறார். கூடவே அஸ்வினும் பின்னாடியே வந்து சேருகிறார்.

அதைச் சொல்லு...

சிஜா ரோஸ், கணவரை இழந்த இளம் விதவையாம். அவருக்கு டான்ஸ் என்றால் கொள்ளைப் பிரியம். ஆனால் கூடவே ஒரு பிரச்சினையும் திடீரென வந்து எட்டிப் பார்க்கிறது.

உயிரைக் காக்க உறவு...

அவருக்கு அதிக நேரம் ஆடினால் மயக்கம் வந்து விடுமாம். அப்போது ஒரு ஆணுடன் உடனே உறவு கொண்டு விட வேண்டுமாம். இல்லாவிட்டால் உயிரே போய் விடும் என்று ஒரு 'டாக்டர்' அவரை எச்சரிக்கிறாராம்.

கட்டுப்படுத்த முடியாமல்

ஒரு நாள் இப்படித்தான்.. தனியே டான்ஸ் ஆட ஆரம்பிக்கிறார் சிஜா. அப்போது அவருக்கு மயக்கம் வந்து விடுகிறது. அவரால் உணர்ச்சிகளை அடக்க முடியவில்லையாம். அந்த நேரம் பார்த்து கரெக்டாக அஸ்வின் வந்து சேருகிறார். அவரிடம் தனது பிரச்சினையை சொல்கிறார் சிஜா. பிறகென்ன, குருவைக் காக்க.. அவருடன் உறவு கொள்கிறார் அஸ்வின்.

அவள் ஒரு தொடர் கதை...

இது பின்னர் காதலாக மாறி விடுகிறது. இந்த நேரத்தில் தன்னைப் புறக்கணித்த நீரஜா தன்னை நோக்கித் திரும்புவதைப் பார்த்த அஸ்வின், அதை நிராகரிக்கிறார்.

எப்படியெல்லாம் ரோசனை வருதப்பா...

இப்படி டான்ஸ் ஆடி மயக்கம் வந்தால் உடனே உறவு கொள்ள வேண்டும் என்று எந்த ஊர் மருத்துவ சிகிச்சை பரிந்துரைக்கிறது என்று கூகுள் முதல் சாதாரண லிப்கோ டிக்ஷனரி வரை அத்தனை இடத்திலும் அலசிப் பார்த்தும் எங்கேயும் அப்படி ஒரு ட்ரீட்மென்ட்டைக் காணவே முடியவில்லை...சொல்ல மறந்துட்டோமே.. டைரக்டர் பெயர் மாசில்...

ரொம்பத்தான் நம்மவர்கள் யோசிக்க ஆரம்பித்து விட்டார்கள் போல...!