Click it and Unblock the Notifications
தளபதி பட்டத்தைக் குறிவைக்கும் இன்னொரு ஹீரோ!
எந்த ஸ்டாராக இருந்தாலும் அவருக்கு ஒரு பட்டத்தை கொடுக்கிற வழக்கம் ரசிகர்கள் மத்தியில் தொடர்கிறது. இதை விரும்பினாலும் விரும்பாவிட்டாலும் ரசிகர்களுக்காக ஏற்றுக் கொள்கிறார்கள் பல நட்சத்திரங்கள்.
அப்படித்தான் புரட்சி தளபதி ஆனார் விஷால்.. சின்ன தளபதி ஆனார் பரத். ஆனால் சென்டிமென்டுக்காக பட்டங்களைத் துறக்கும் நாயகர்களும் உண்டு. அது தனி கதை.
ஏற்கெனவே பிரபலமாக இருக்கும் பட்டத்தை எப்படா பறிப்பது என்று நேரம் பார்த்து வேலை பார்ப்பவர்களும் உண்டு. அது தனிப் பெருங்கதை!!
ஆர்கே அந்த மாதிரி வேலைகளில் ஆர்வம் காட்டுபவர் அல்ல. அவர் உலகம் தனி.
இருந்தாலும், அவருக்கும் ஒரு பட்டப் பெயரைச் சூட்டியிருக்கிறகார்கள். அதுதான் மக்கள் தளபதி!
அவர் இப்போது நடித்து வரும் என் வழி தனி வழி படத்தின் தலைப்பில் அவருக்கு இந்த மக்கள் தளபதி என்ற பட்டத்தைத் தந்திருக்கிறார்களாம்.
ஷாஜி கைலாஷ் இயக்கும் இந்தப் படத்தில் மீனாக்ஷி தீட்சித், பூனம் கவுர் ஹீரோயின்களாக நடிக்கின்றனர். இதற்க்கு முன்பு ஷாஜி கைலாஷ், ஆர் கே இணைந்த எல்லாம் அவன் செயல் பெரும் வெற்றி பெற்றது நினைவிருக்கலாம்.
தற்பொழுது என் வழி தனி வழி யில் ஒரு மாஸ் ஹீரோவுக்குரிய அத்தனை அம்சங்களும் ஆர்கேவுக்கு பொருத்தமாக அமைந்துள்ளது என்கிறார் இயக்குநர்.
இப்படியெல்லாம் பட்டம் கொடுக்க ஆரம்பித்தால், வேறு ஏதோ திட்டம் இருக்கு என்றுதான் நினைக்க வேண்டியிருக்கிறது. போகிற திசை அறிவாலயம் பக்கமா? லாயிட்ஸ் ரோடு பக்கமா? இல்லை தனி ஆவர்த்தனமா என்பதை முன் கூட்டியே சொல்லிவிட்டால், முதல் நியூசாக போடலாமே ஆர்கே சார்?!
Continue with Google